InfoHub Logo

Indıra Ysqaqova pedagogtyń jumys ornynda shý shyǵarǵandyǵyn aıta kele: «Mundaı qylyq qalypty jaǵdaı sanalmaıdy ári pedagogtyń ádep kodeksin jáne bilim týraly zańdy buzý bolyp tabylady. Jalpy, mundaı pedagog balalarmen qalaı jumys isteıdi? Basshy mundaı pedagogke qatysty shara qabyldaýǵa tıis pe ekendigin bilgim keledi. Ony adamgershilikke jat qylyǵy úshin jumystan shyǵarýǵa quqy bar ma?», - dep jazǵan edi.

Óz kezeginde mınıstr tártiptik jaza qoldaný barysynda Eńbek kodeksine sáıkes dálelderdiń bolýy, jasalǵan jat qylyqtyń aýyrlyǵy men onyń jasalý barysynda jaǵdaı eskerilýi tıistigin eske salyp ótken. Onyń atap ótýinshe, «Bilim týraly» zańǵa sáıkes pedagog qyzmetkerlerdiń mindetine oqýshylardy joǵary adamgershilikke, ata-anaǵa, etnomádenı qundylyqtarǵa qurmetpen qaraýǵa, qorshaǵan ortany aıalaýǵa úıretý kiredi. Muǵalim pedagog ádebin saqtaýy, oqýshylardyń, tárbıelenýshiler men olardyń ata-analarynyń nemese basqa da zańdy ókilderiniń ar-namysy men bedelin qurmetteýi tıis.

Ustaz óz qyzmetinde Qazaqstan Respýblıkasy pedagog qyzmetkeriniń joǵary ataǵynyń bedelin túsirýge múmkindik týǵyzatyn is-áreketterdi jasaýǵa jol bermeıdi, óziniń qyzmettik mindetin adal jáne sapaly oryndaıdy, bilim berý uıymynyń múlkine uqypty qaraıdy jáne ony jeke maqsatta paıdalanbaıdy, jasyna, jynysyna, ultyna, dinı senimine, azamattyǵyna, shyǵý tegine, áleýmettik, laýazymdyq jáne múliktik jaǵdaılaryna nemese kez kelgen ózge de mán-jaılarǵa qaramastan, adamnyń quqyǵyn, abyroıy men qadir-qasıetin qurmetteıdi, jalpy qabyldanǵan adamgershilik-ádeptilik normalaryn, sypaıylyq pen bıazylyqty saqtaıdy.

«Mindetin buzǵany jáne pedagog qyzmetker atyna kir keltiretin qylyq jasaǵany úshin pedagog Qazaqstan zańymen belgilengen jaýapkershilikke tartylýy múmkin. (...) Joǵaryda aıtylǵandardyń negizinde tárbıelik qyzmetti oryndaıtyn qyzmetker jumysyn odan ary jalǵastyrýǵa múmkindik bermeıtindeı adamgershilikke jat minez-qulyq tanytatyn bolsa, onda jumys berýshi tarabynan jumysshymen eńbek kelisimsharty buzylýy múmkin», - dep jazdy mınıstri.

---