InfoHub Logo

Sahara shóliniń qaq ortasynda, Nıger, Malı jáne Aljır shekaralarynyń túıisken tusynda adam tasymaldaǵan júk kóliginiń buzylýy saldarynan aýyr tragedıa boldy. Oqıǵa saldarynan 49 adam kóz jumdy. Bul týraly Euronews saıtyna silteme jasap, Infohub.kz habarlaıdy.

Qaza tapqan barlyǵy – Nıger azamattary. Olar kórshiles Malı elinde ótken dinı merekeden óz elderine oralyp kele jatqan.

Joldary 300 shaqyrymnan asatyn bul sapar birneshe kúnge sozylýy tıis bolǵan. Alaıda, júk kóliginiń júrgizýshisi adasyp, kólik múldem adam aıaǵy baspaıtyn, sýsyz aımaqqa kelip, sol jerde turyp qalǵan.

Eki er adam 50 shaqyrymdy jaıaý júrip, sý kózine jetip, keıin eldi mekenge jetip, kómek shaqyra alǵan. Biraq qutqarýshylar tragedıa bolǵan jerge jetkende, kómekke eshkim qalmaǵan edi. Turyp qalǵan kóliktiń janynda qalǵan 49 adamnyń barlyǵy sýsyzdanýdan kóz jumǵan.

Nıger bıliginiń málimetinshe, shóldiń qatal jaǵdaıynda tiri qalý múmkindigi óte az bolǵan. Qalǵan jolaýshylar kólikti jóndep nemese jaqyn mańnan sý taba almaǵan.

Tragedıanyń qıyndyq týdyrǵan jerine jetý qıyn bolǵandyqtan, 49 adamnyń máıiti sol jerde, bir jerge jerlengen.