InfoHub Logo

«MýzArt» tobynyń belgili ánshisi Sáken Maıǵazıevtiń otbasyndaǵy kúlkili jaǵdaı jelide qyzý talqyǵa tústi. Ánshiniń uly Ádilet pen kelini Ádıa túsirgen jańa vıdeoda ene men kelin kóliktiń aldyńǵy oryndyǵyna talasyp qaldy.

Bul týraly Infohub.kz aqparat agenttigi habarlaıdy.

Kóliktegi qyzyq

Ádilet pen Ádıa jubaıy áleýmettik jelidegi paraqshalarynyń belsendiligin arttyrý maqsatynda túrli vıdeolar túsirýdi dástúrge aınaldyrǵan. Bul joly olarǵa analary, ıaǵnı Sáken Maıǵazıevtiń jary Dınara Maıǵazıeva da qosyldy. Túsirilgen vıdeoda ene men kelin bir mezgilde kóliktiń aldyńǵy esiginiń tutqasyn ustap, qaısysy birinshi otyratynyn anyqtaı almaı dalbasalaıdy. Birneshe sekýndtyq úzilisten keıin kelin ımene qarap, enesine jol bergeni baıqalady. Bul sátti «Sultan Súleımen» serıalynyń áýenimen ásemdep, jubaılar vıdeony áleýmettik jelige «Aldyna kim otyrýy kerek edi?» degen suraqpen birge júktegen.