InfoHub Logo

Qazaq tili 6 - synyp
Sabaqtyń taqyryby: San esimnen ótkendi qaıtalaý
Maqsany: San esimnen alǵan bilimderin tereńdetý, jınaqtaý. Árbir oqýshynyń óz betinshe bilim alýyna daǵdylandyrý.
Ulttyq tárbıe negizinde óz ultynyń ǵasyrlar boıy jınaqtalǵan qundy tájirıbeleri men tálim - tárbıesin, adamgershilik qaǵıdalaryn oqýshy boıyna sińirý.

Psıhologıalyq daıyndyq
Topqa bólý
1. Eseptik toby.
2. Rettik toby.
3. Jınaqtyq toby.
4. Boljaldyq toby.
5. Toptaý toby.
6. Bólshektik toby.

Úı tapsyrmasyn suraý.
Segiz aıaq

Alystan sermep,
Júrekten terbep,
Shymyrlap boıǵa jaıylǵan.
Qıadan shaýyp,
Qısynyn taýyp,
Taǵyny jetip qaıyrǵan –
Tolǵaýy toqsan qyzyl til,
Sóıleımin deseń, óziń bil!

Oı qozǵaý. “Toıǵa shashý”
Shashý suraqtaryn tańdap al

Kúrdeli san esim qalaı jasalady?
a) qosarlaný arqyly
á) tirkesý arqyly
b) qosarlaný jáne tirkesý arqyly

Ataý septiktegi san esimder qandaı sóılem múshesi bolady?

San esim sózdiń qaı tobyna jatady?
a) kómekshi esim á) ataýshy esim b) odaǵaı
Týyndy san esimdi kórset
a) bir, on, jıyrma, myń
á) úshtik, tórtinshi, júzdegen
b) on eki, alpys úsh, myńdaǵan
“Jarly bolsań, arly bolma”, “Qalaýyn tapsa, qar janady”, “Altyn kórse, perishte joldan taıar”. Osy maqaldardy synaıtyn Abaıdyń qaı sózi? Neshinshi sóz?

Abaı óleńinen alynǵan úzindide san esimniń qaı túri kezdesip tur?
Atadan altaý,
Anadan tórteý,
Jalǵyzdyq kórer jaıym joq.

Bul qaı jyrdan alynǵan úzindi?
Quramyndaǵy san esimdi taýyp, sózdiń maǵynasyn túsindir
Etekteıin erinnen,
Eki elisi qalypty.
Qıǵash qamys qulaqtan,
Bir tutamy qalypty.

Jalbyraǵan jalynan,
Jalǵyz qarys qalypty.
Bir qulashtaı quıryqtan,
Bir ýystaı qalypty.

Sergitý sáti: “Qara jorǵa” bıi

İİİ. Bilimdi jan - jaqty tekserý.
Qyzyǵýshylyqty oıatý.
“Báıge” oıyny

Birinshi meje: Jalǵastyr
(Sý, Bult, Tuz, Óleń, Qamyr, Et, shaı)
Bir shymshym
Bir jaıym
Bir shókim
Bir qaınatym
Bir asym
Bir urttam
Bir shýmaq

Ekinshi meje: “Maqal qura”
Úshinshi meje: Oıla, oılan, oılandyr
San esimniń emlesin eske túsirip, qateni túzep, dápterlerińe jazyńdar..
Bir myń toǵyzjúz alpysbes, bes júz – otyz bir, 25 ke, 12 – den, 5 synyp, Úİ - ǵasyr, jetieý alma, 1000 – daǵan, saǵat
5 terde, 20 – dápter, 50 - 50 den, 11 den, 16 – jeltoqsan, HH tom, 2 inshi, on – onnan, 100 shamaly, otyzǵa tarta, ekijarty, 90 - ǵa taman, onbes jarym, 1938 jyl, 7 - inshi maýsym.

Tórtinshi meje: “Kim júırik?”
Besinshi meje: “Qupıa sózdiń qulpyn ash” jumbaqtardyń jaýabyn tap
(Jaryq, Ýaqyt, Oı, Aı men kún)
Sandyqtyń ishine neni tyǵyp ustaı almaısyń?
Sen joǵaltsań, men izdep taba almaıtyn,
Men joǵaltsam, sen izdep taba almaıtyn.
Ol ne?
Kóppen bólisken saıyn kóbeıer.
Ol ne?
Ápkesi baýyryna qonaqqa barady, baýyry odan tyǵylyp qalady.

Ońtústik Qazaqstan oblysy,
Arys aýdany, M.Shahanov atyndaǵy jalpy orta mektebi
Qazaq tili men ádebıeti pániniń muǵalimi
Polatova Aınur Múslimbekqyzy

Tolyq nusqasyn júkteý