InfoHub Logo

Mańǵystaý oblysy, Beıneý aýdany,
Y. Altynsarın orta mektebiniń
bastaýysh synyp muǵalimi Kakogova Aıgúl

Matematıka
Sabaqtyń ataýy: Sandy teńdikter jáne teńsizdikter. Sandardy jáne shamalardy salystyrý
Silteme: Matematıka oqýlyǵynyń ádistemesi, muǵalimge arnalǵan nusqaýlyq
Sabaqtyń jabdyǵy: Syzba, deńgeılik tapsyrma, kartochkalar
Jalpy maqsattar: 1. Bilimdilik: sandy órnekterdi oqı, jaza, salystyra bilýdi úıretý;
2. Damytýshylyq: logıkalyq oılaý qabiletin damytý, esep shyǵarýǵa degen qyzyǵýshylyǵyn oıatý; uqypty, ádemi jazýǵa daǵdylandyrý;
3. Tárbıelik: ekonomıkalyq tárbıe berý, tazalyqqa, uqyptylyqqa, eptilikke, tárbıeleý.
Sabaqtyń tıpi: aralas sabaq.
Sabaqtyń ádisi: túsindirý, suraq - jaýap, taldaý - jınaqtaý, oıyn.
Oqytý nátıjesi Topqa bólý Geometrıalyq fıgýralar arqyly toptarǵa bólý

Muǵalimniń is - áreketi
Yntymaqtastyq atmosferasy
Qol alysyp, qane, biz,
Dostasaıyq bárimiz.
Aıtarym bar senderge,
Tez turyńdar sheńberge.
Qandaı jaqsy bir turý,
Dostarmenen bir júrý!
Qandaı jaqsy dos bolý!
Osy aıtqandaryńdy oryndaýǵa bar kúsh - jigerlerińdi salasyńdar degen oıdamyn, bárine sáttilik pen bestik baǵa tileımin!

Psıhologıalyq daıyndyq
Telefonnan SMS keledi.
- Balalar, bizge búgin elektrondyq pochtamen hat keldi. Endeshe hatty oqıyq.
«Sálemetsizder me, balalar! Men senderge myna hatty úlken ótinishpen joldap otyrmyn. Maǵan senderdiń kómekteriń kerek. Kúz keldi, kúnde jaýyn, sondyqtan men jemisterdi jınap úlgermeı jatyrmyn.
Búgingi sabaqtaǵy tapsyrmalar durys oryndalsa, onda Jemister jınalady. Kómektesińdershi, balalar!!! Sálemmen kirpi.»
- Balalar, bul hat kishkentaı kirpiden kelipti. Kómektesemiz be kirpige?
Sabaqta muqıat bolyńdar. Eger tapsyrmalar durys oryndalsa, túrli jemister jınaıtyn bolamyz.

Sabaqtyń erejelerin eske salý.
1 - ereje. Sabaqta bir - birimizdi tyńdaımyz!
2 - ereje. Bireýdiń aıtqanyn qaıtalamaımyz!
3 - ereje. Sabaqta bir - birimizdi syılaımyz!
4 - ereje. Sabaqqa belsene qatysyp, jaqsy baǵa alamyz!

Qyzyǵýshylyqty oıatý
- Qandaı arıfmetıkalyq amaldardy bilesińder?
- Qosýdyń komponentterin atańdar.
- Azaıtýdyń komponentterin atańdar.
- Kóbeıtý degenimiz ne? Kóbeıtýdiń komponentterin atańdar.
- Bólý degenimiz ne? Bólýdiń komponentterin atańdar.
- Órnekter neshege bólinedi?
- Sandy órnek degenimiz ne?
- Áripti órnek degenimiz ne?
- Esep degenimiz ne? Eseptiń quramdy bólikterin atańdar
- Teńdik degenimiz ne? Teńsizdik degenimiz she?
- Teńdeý degenimiz ne?
Maǵynany taný
Mátindi tizbektep oqý
«Kókpar» oıyny.(«Kókpar» oıyny jaıly túsinik berý) № 1