InfoHub Logo

Sara Nazarbaevanyń densaýlyǵy týraly jańa málimetter paıda boldy. Dintanýshy ári qoǵam qaıratkeri Beıbit Saparaly "Sadaq" medıa agenttiginiń "Dúrbi" alańynda bergen suhbatynda Sara Nazarbaevanyń qazirgi jaǵdaıyna qatysty pikir bildirdi.

Bul týraly Infohub.kz aqparat agenttigi habarlaıdy.

Sara Nazarbaevanyń qazirgi jaǵdaıy

Saparalynyń aıtýynsha, Sara Nazarbaeva aman, búginde 85 jasta. Sońǵy jyldary onyń kópshilik nazarynan tys qalýyn dintanýshy áýlet ishinde bolǵan aýyr oqıǵalarmen baılanystyrady. "Sara apamyz tiri. Jasy úlken – 85 jasta. Sońǵy ondaǵan jyl ol kisi eldiń kózinen tasa boldy. Áýlettik jaǵdaılar boldy. Aýyr jaǵdaılar boldy. Aısultan nemeresi qaıtys boldy. Onyń aldyndaǵy Rahat pen Darıǵanyń oqıǵasyn qarańyz. Onyń bári áıel adamǵa aýyr ǵoı," - dedi Saparaly.

Rýhanı aýrýdyń sebepteri

Saparalynyń aıtýynsha, Sara Nazarbaeva rýhanı aýrýǵa ushyraǵan. "Kómekshilerinen estigenmin. Qatty aýyrdy. Elbasy ózi ushyp kelip, qasynda úsh kún otyrǵan. Dárigerler "qaıtady" dep aıtqan. Munda adamdar aýrýyna qaraý kerek. Sara apamyzdiki – rýhanı aýrý. Balalarynyń taǵdyryn ýaıymdap, bolmaı qalǵan áýletiniń qıyn taǵdyryn oılap, sodan rýhanı keselge ushyrady," - dedi dintanýshy.