Saryaǵashta 19 jastaǵy múgedek jigitti aıýandyqpen óltirgen kúdikti qamaýǵa alyndy
Túrkistan oblysynyń Saryaǵash qalasynda jantúrshigerlik qylmys oryn aldy. Ekinshi toptaǵy múgedek, 19 jastaǵy Jasulan Ábdimanap belgisiz bireýlerdiń qolynan qaza tapty. Ony aıdalaǵa aparyp, 14 ret pyshaq jaraqatyn salyp óltirgen.
Marqumnyń denesi eki kúnnen keıin ǵana tabyldy. Aýyl turǵyndarynyń biri deneni baıqap, birden polısıaǵa habar bergen. Tergeý barysynda marqum kúdiktilerdiń biriniń ótinishimen nesıe rásimdegeni belgili boldy. Kúdikti "anam aýyryp jatyr" dep, marqumdy aldap, 280 myń teńge nesıe aldyrǵan.
Qoǵamdy dúr silkindirgen taǵy bir jaıt – kúdiktilerdiń qatarynda áskerı qyzmetker bar ekeni anyqtaldy. Bul aqparat áleýmettik jelilerde qyzý talqylanyp, jurtshylyq ádil tergeý júrgizýdi talap etip otyr.
Ońtústik óńirlik áskerı-tergeý basqarmasynyń málimetine sáıkes, bul oqıǵa "Qazaqstan Respýblıkasy Qylmystyq kodeksiniń 99-baby 1-bóligi (adam óltirý)" boıynsha tirkeldi. Kúdikti eki aı merzimge qamaýǵa alyndy.
Bul oqıǵa qoǵamda úlken rezonans týǵyzdy. Jurtshylyq tergeýdiń ashyq ári ádil júrgizilýin talap etýde. Quqyq qorǵaý organdary kinálilerdiń anyqtalyp, zań aıasynda qatań jazaǵa tartylatynyna sendirip otyr.
You Might Also Like
-
Qazaq tilin úırený joldary týraly keńester men onlaın kýrstardy qarańyz. Kúndelikti praktıka men paıdaly resýrstar arqyly til daǵdylaryńyzdy jetildirińiz.
-
2021-2023 jyldar aralyǵynda Astanada bodı-massaj qyzmetiniń jamylǵysynda zańsyz jezókshelik prıtony uıymdastyrǵan áıeldiń áreketi anyqtalyp, tergeý nátıjesinde onyń qylmystyq jolmen tapqan tabysy 2 mıllıard teńgege jetkeni belgili boldy. Bul týraly infohub aqparat agenttigi habarlaıdy.
