Photo: George Shervashidze (https://www.pexels.com/@automnenoble) / Pexels
Satpaevtaǵy emhanada dárigerler jumys ornynda toı jasady
Satpaev qalasyndaǵy emhanada medısına qyzmetkerleriniń jumys ornynda toı jasap, alkogól ishkeni týraly vıdeo jelide tarap, qoǵamda úlken rezonans týdyrdy. Bul jaǵdaı naýryz merekesi kezinde bolǵan.
Bul týraly Infohub.kz aqparat agenttigi habarlaıdy.
Jumys ornyndaǵy toı
Naýryz merekesiniń qarsańynda, ıaǵnı 21 naýryzda emhanada resmı túrde shara ótkenimen, keshke qaraı bir top medısına qyzmetkeri ruqsatsyz jumys ornynda alkogól iship, toı jasaǵan. Bul týraly jýrnalıs Mıhaıl Kozachkovtyń Telegram arnasynda 11 sáýirde jarıalanǵan vıdeodan keıin belgili boldy.
Naýqastardyń shaǵymy
Oqıǵa kýágerleriniń aıtýynsha, mereke kúni emhanaǵa kelgen naýqastar kezekshi qyzmetkerlerdiń mas kúıde bolǵanyn, olardan ishimdik ıisi shyǵyp, minez-qulqy dóreki bolǵanyn aıtqan. Bul jaǵdaı naýqastar men qyzmetkerler arasynda kıkiljiń týdyrǵan.
Oblystyq densaýlyq saqtaý basqarmasynyń málimetinshe, keshki merekelik is-shara ákimshiliktiń ruqsatynsyz, qyzmetkerlerdiń jeke bastamasymen uıymdastyrylǵan.
Medısına qyzmetkerlerine salǵan jaza
Basqarmanyń habarlaýynsha, oqıǵadan keıin dereý tekserý júrgizilgen. Nátıjesinde, kezekshi dáriger jumystan bosatyldy. Emhana dırektorynyń mindetin atqarýshy E. Oljaeva men eki medbıkege qatań sógis jarıalandy. Emhana dırektory R. Nysanbaevtyń taǵdyry onyń aýrýhanadan shyqqannan keıin tártiptik keńeste qaralatyn bolady.
-
Satpaev qalalyq aýrýhanasynda Naýryzdy jumys ornynda toılaǵan medısına qyzmetkerleri jazalandy. Tipti naýqasqa kómek kórsetýden bas tartqan jaǵdaı da tirkelgen.
-
Osnovatel ı glavnyı redaktor Ulysmedia.kz Samal Ibraeva polýchıla gosýdarstvennýıý nagradý «Eren eńbegi úshin» ız rýk mınıstra kúltýry ı ınformasıı.
