Shyqqaly volost saılaý qyryq jyl ótti,
Sol saılaý, baıqasańyz, túpke jetti.
Baı bolyp, myrza atanyp, mal bitkender,
Talasyp volostyqqa aqsha tókti.
Elirip bireý shyqty bı bolam dep,
Keıbiri bı túsetin úı bolam dep.
Jelikpeı úshinshiler nege tursyn:
«Qalaısha analardan men qalam dep.
Elirter momyndardy «sen de attan» dep
«Malyńnyń arqasynda bir shattan» dep.
Qarashy, bul qyrsyqqa neqylarsyń,
Bıshara áýrelener qur jatqan tek.
Fálenshe aýylnaılyqqa ylaıyq dep
Yntymaq ıe qylsa da qylaıyq dep.
Bir sordy báıge atyndaı alyp keler
hámmámiz sertte máhkám turaıyq dep,
«Bir atadan qaldym» dep shyǵar bireý:
«Sizdermenen birge - dep, - bizdiń tileý».
Jolyn alsa, máz bolyp ol ketedi,
Bermese, qamyqqandaı kóńili júdeý.
Saılaý basy tórege msh, myn. aqsha
«Janynda oryn joq pa eken onan basqa?»,
Strajnık pen pısirler súıinshi alady
Bermeı taǵy bolmaıdy hám tilmashqa.
Volost bolar mal shashyp shyǵyndanyp,
Saılaý óter osylaı tynymdanyp.
Ábden bolyp alǵan soń rasqodyń,
Bitiredi halyqtan jylyn da alyp.
Kedeı sorly sholaǵyn aryqtatar,
Túk faıda joq, úıine baryp jatar.
«Fálenshemen tabaqtas boldym men» dep,
Qatynyna maqtanyp osyny aıtar.
Munymen mal shashylyp ar ketedi,
Kúshti álsirep, nashardan hál ketedi.
Ótirikti rasqa shyǵaram dep
Jalǵan iske ant berip jan ketedi.
Nahaqtan birine-biri bále salyp,
Bilmese urlyq, bilse eger barymta alyp.
Tóbeles, janjal, keris áńgimege
Qumar-aq bolyp ketti bizdiń halyq.
Turady tóreleri kekireıip,
Perevodchık onan jaman shekireıip.
Kóp zarar bizdiń qazaq kórsedaǵy
Demeıdi, mundaı ishten bekineıik.
Mal shashyp álektenip talasady,
«Men kóp, sen azsyń» dep sanasady.
Es ketip ólip talyp volost bolyp,
Sonan soń halqymenen jarasady.
Úıine at-tonymen baryp túsip,
Rızalyq aıtysar taǵam jesip.
Mysaly toqyldaqtyń táýbesindeı
Ketedi bir jyldan soń umytysyp.
Qul ketti han ornyna taqqa minip,
Jurt ketti jamandyqty jatqa bilip.
hákımler haramıdan bolǵannan soń,
Ury-qary ketpeı qaıtsin atqa minip.
Ia pirim-aý, dál asy isten ne faıda bar?
Kóbeıer kún-kún saıyn fitnálar.
Kóz kórdi bir parasyn qýlaq estip,
Kisi ólip, sotty bolyp biri aıdalar.
Aǵadan ini aıryldy, atadan ul,
Aǵaıyn arzandady qymbattap pul.
Satyldy ǵazız ujdan az aqshaǵa
Ǵálámáti nadandyqtyń emes pe bul?
Ózine ózi halyq jany ashymaı
Mal shashar bolamyn dep volostnoı.
Jumsasa qandaı jaqsy bolar edi,
Na polzý obrazovanıa narodnoı.
Berýden kezdeı jerge kóldeı aqsha
Qumary kele jatyr bir basylmaı.
Kisideı araq ishken áýrelenip,
Ia pirim-aý, ketkeni me halyq osylaı?
Qazaǵym, bul ǵadetti tastalyq ta,
Halyqty týra jolǵa bastalyqta.
Volost, bılik, aýylnaılyq, vybornyılyq,
Qımaıtuǵyn sonshama padıshahlyq pa?

---