Aıt shynyńdy, kóńilim, qaıda barasyń?
Qańǵyrýdan qandaı paıda tabasyń?
Toqtalatyn kelgen joq pa mezgiliń?
Damyl tappaı kúni-túni shabasyń.
Oınaqtaısyń, ot basasyń, turmaısyń,
Bir basymnyń tekke alasyń mazasyn.
Bilmeımisiń, tabalaıdy dushmanyń,
Alańǵasar alyp júr dep jazasyn.
Basyl endi, kúlki bolma, kóńilim,
Júregimniń shanshı berme jarasyn.
Deıdi kóńilim sonda maǵan muńaıyp,
Saryarqanyń saǵynamyn dalasyn.
Eń bolmasa emin-erkin kezeıin,
Esil, Nura, Edil, Jaıyq salasyn.
Boı kóterip, júrip saıran eteıin
Oral, Altaı, Tán-SHan taýy arasyn.
Qandaı kúıde jatyr eken kóreıin,
Er qazaqtyń erkin ósken balasyn.
Baıaǵydaı erkinshilik bar ma eken?
Óz kózimen erke kóńiliń qarasyn.
Álde bılep kete me eken basqalar?
Sezip qaıtsyn sorly dosyń shamasyn.
Han men baı, bı men batyr bar ma eken,
Saýyq-saıran, as pen toıy jarasym...
Aıǵaı-qıqý naızamdy áper jaýynger,
Barymtashyl mal qýatyn rásim.
Erdiń qunyn eki aýyz sóz bitirip,
Tez aıyrǵan ótirik pen rasyn...
Deıdi-daǵy jylady eńirep kóńilim,
«Qımaısyń, - dep, - orys, noǵaı qalasyń».
Men de egildim, shydamadym, hám dedim:
«Yqtıaryń, barsań, janym, bararsyń...»

---