InfoHub Logo

Semeı oblysy, Qanba degen jerde on toǵyzynshy ǵasyrdyń aıaq kezinde Serik degen kisi ózi ury jáne ury ustaıdy eken.

Serik aıtady eken:

— Qudandaly jerden úsh ret urlaǵanǵa deıin bilmeıdi, qaıta ózińdi joqshy qylyp qoıady, — deıdi eken.

Bireýdiń malyn alyp soıyp alsa, ıesi surap kelse:

— Sizdiń mende jumysyńyz bar ma?

— Iá, bar, — dese,

— Úı artyndaǵy betke baryp sóıleseıik, — dep kishkene balasynyń qolyna et týrap salǵan tostaǵan ustatyp, ózi qolyna biz alyp betkeıde otyrady.

— Al sharýańyzdy aıta berińiz.

— Keshe tý qunajynym joǵaldy. Beti osylaı. Sizdiń jigitterińizden kelgen sıaqty. Sol malymdy aǵaıynbyz ǵoı, qaıyrsańyz eken, — dedi mal ıesi.

Serik ant ishedi:

— Birinshi, eger sizdiń malyńyzdy alsaq, Qudaı myna bizdi ursyn, — dep, qolyndaǵy bizdi jerge túıreı urady eken. Ekinshi, eger sizdiń malyńyzdy alsaq, qıa bette berelik, — depti. Mal ıesi qıamette dep túsinedi. Úshinshi, eger sizdiń malyńyzdy jesek, balamyzdyń etin
jeıik, — dep janyndaǵy balasynyń tostaǵanyndaǵy etinen jeıdi eken. Mal ıesi «ant ishti, almaǵan eken» dep kete beredi eken.

---