InfoHub Logo

Shákirttiń ustazyna quttyqtaý tilegi
Deıdi solaı ákemiz:
"Ustazyńdy ulyqta!".
Deıdi solaı anamyz:
"Syılaýdy ár kez umytpa!".

Bergen bilim bulaǵyn,
Oıatqan ár kúnińdi.
Merekeńiz, muǵalim,
Qutty bolsyn búgingi!

Júzdik nurly kemede,
Bilim joldyń bári - kún.
Sizden aldyq ónege,
Sizden aldyq taǵylym.

İzgiliktiń qandaıyn,
Osy joldan tapqanym.
Deısiz bizge árdaıym:
"Ár shákirtim - maqtanym!"

Kórip sonyń jemisin,
Janyńyz da nurlanǵan.
Etken eńbek el úshin
Qol bulǵasyn shyńdardan!

Uıalaısyz zeıinge,
Tilekshimiz bárimiz.
Shákirtke ár kez súıin de,
Tek qurmet kórińiz!

Deıdi solaı ákem de:
"Ustaz kúnin ulyqta!".
Deıdi solaı anam da:
"Quttyqtaýdy umytpa!".

Deıdi solaı bári de
Ustaz berer taǵylym.
Adamdardyń bárine
Sińirgen dep tálimin.

Úlgi tutqan bilimdi,
Terbep jannyń qushtaryn.
Merekeńiz búgingi
Qutty bolsyn, ustazym!


Qojabaqy mektebi
Boıynda ulylyqtyń jatqan izi,
Keleshek ǵasyrǵa da maqtan - isi.
Shýaqty, shejireli tarıhy bar
Mektebim - aýylymnyń maqtanyshy.

Syrǵa toly ótkeni,
İzgiliktiń kóktemi.
Bilimge keń jol ashqan -
Qojabaqy mektebi.

Shashqyzyp shákirtine júrek kenin,
Oıatqan izgilikke júrekterin.
Bul kúnde el biledi, qurmetteıdi
Mekteptiń maqtanyshy - Túlekterin.

Syrǵa toly ótkeni,
İzgiliktiń kóktemi.
Bilimge keń jol ashqan -
Qojabaqy mektebi.

Bilimniń baǵalaǵan narqyn uıam,
Saqtaǵan dástúrlerin, saltyn uıam.
Bolashaq ǵasyrlarǵa shýaq shashyp,
Jaınaı ber máńgilikke, altyn uıam!

Óleńderdiń avtory:
Ǵabıden QOJAHMET,
Qyzylorda qalasy