InfoHub Logo

Kompozıtor Shámshi Qaldaıaqovtyń kelini Botagóz Qaldaıaqova aqyn, qoǵam qaıratkeri Muhtar Shahanovtyń ómiriniń sońǵy jyldaryndaǵy mańyzdy bir aqıqatty jarıa etti.

Bul týraly Infohub.kz aqparat agenttigi habarlaıdy.

Otbasylyq baılanys jáne estelikter

Botagóz Qaldaıaqovanyń aıtýynsha, Muhtar Shahanov olardyń otbasyna erteden tanys bolǵan. Aqyn jas kezinen Shámshi Qaldaıaqovtyń Almatydaǵy páterine jıi qonaqqa kelip júrgen.

1991 jyly Shámshi Qaldaıaqov 60 jyldyq mereıtoıynan keıin qatty syrqattanǵanda, Muhtar Shahanov jaqyn dosy retinde ony Almatydaǵy úıine jetkizip, janynda bolǵan.

Avtorlyq quqyq jáne ádildik

Botagóz Qaldaıaqova Muhtar Shahanovpen 2024 jyldyń sońynda tanysqanyn aıtty. Sol kezde olardyń qory Shámshi Qaldaıaqovpen birlesip jazylǵan ánderdiń avtorlyq quqyqtaryn qorǵaý týraly kelisimge kelgen.

Aqynnyń sózinshe, Muhtar Shahanov segiz jyl boıy avtorlyq qoǵamdardan eshqandaı qalamaqy almaǵan. Alaıda, «Shámshi álemi» qorynyń jumysy arqasynda Shahanovtyń sózderine jazylǵan ánder úshin ádil syıaqy tólenýine qol jetkizildi.

«Muhtar aǵa ómiriniń sońǵy eki jylynda bolsa da, óz murasyna qatysty ádildiktiń bar ekenin kórip ketti. Jatqan jeri jaıly bolyp, Jaratqan janyna tynyshtyq bersin. Muhtar Shahanov naǵyz azamat, aqyn, tynymsyz shyǵarmashylyq ıesi edi», - dep jazdy Botagóz Qaldaıaqova.