InfoHub Logo

Sherzat Bolattyń ólimine qatysty ótip jatqan sot otyrysynda marqumnyń ákesi Qarjaýbaı Nurymovtyń tergeý kezindegi beınejaýaby jarıa etildi. Onda Nurymov oqıǵa ornynda «Qamajaı» dúkeninen qandaı pyshaq alyp shyqqanyn sıpattap berdi. Onyń sózinshe, qolyndaǵy pyshaq — basy dóńgelek, turmystyq maqsattaǵy maı men nan kesetin asúı quraly bolǵan.

— Bul pyshaqty balalardy qorqytý úshin ǵana aldym. Alǵash bolyp pyshaqpen qorqytqan — Nurbol Toqtaýbaev edi. Onyń qolynda pyshaq bolǵan soń, men de sondaı pyshaqpen shyqtym. Biraq bul sát beınejazbaǵa túspeı qalǵan, — dedi Qarjaýbaı Nurymov.

Saraptama qorytyndysy boıynsha, kórsetilgen pyshaqtyń jalpy uzyndyǵy — 29 sm, onyń ishinde júzi — 15 sm, saby da — 15 sm. Alaıda sotta aıyptalýshylardyń biri beınejazbadaǵy sátte Nurymovtyń qolynda sary tústi basqa pyshaq bolǵanyn alǵa tartty. Bul jaıt jaryssóz kezeńinde qaralatyn bolady, — dep málimdedi sýdıa.