InfoHub Logo

«Kindigimniń jas qany,
Tamǵan jerim aýylym.
Shabytymnyń asqary,
Samǵaýshy edi aýylym dep»,- aqyn aǵamyz jyrlaǵandaı «aýyl» degen sózdi estigende meniń óne boıymdy qýanysh kerneıdi. Men turatyn aýyl Nurken Ábdirov batyrdyń atymen atalady. Aýylymyz Qarqaraly aýdanynyń ońtústik - batysynda ornalasqan. Meniń atam men ájem, ákem men sheshem osy aýylda týyp - ósken. Meniń de balalyq shaǵym osy aýylda ótip keledi.

Atam maǵan aýylymnyń qalyptasý tarıhy jóninde únemi áńgimesin aıtyp júretin. Sol kisiniń aıtýy boıynsha Jarly ózeniniń boıynda alǵashqy kezde on eki kolhoz bolǵan. 1944 jyly Sovet kolhozyna Sovet Odaǵynyń batyry, dańqty ushqysh jerlesimiz Nurken Ábdirov atamyzdyń esimi beriledi.

Aýylymyzdan qanshama ǵalym, aqyn - jazýshylar shyqqan. Erte kezdegi halyqtyń turmys - tirshiligi jóninde áńgime júrgizetin ata - ájelerimizde aýylda turady. Jaz aılarynda anam daıyndaǵan sút - aıran, qurt - irimshik, súzbesin jep, ata - ájelerimizdiń ertegi, jyrlaryn tyńdap kelemiz.

Aýylymyzdyń tabıǵaty erekshe. Kishkentaı kezimnen aýylymnyń taza aýasymen, hosh ıisi ańqyǵan gúlderdiń ıisimen, aýylymnyń ystyq tútinimen demalyp kelemin. Jer bederi jazyq. Dál ortasynan Jarly ózeni aýyldy ekige bólip, aǵyp shyǵady. Aýyldyń shet jaqtarynda qaıyń, qókterek ósedi.

Jazdyń jyly kúnderi balalarmen sýǵa shomylyp, kók maısa shópte oınaımyz. Ata - anamyzben jıdek terýge baramyz, tabıǵatqa saıahatqa shyǵamyz.
Qazirgi kezde Jarly ózeniniń tartylýy baıqalýda. Ár túrli qorǵaý sharalary júrgizilmegendikten ózen lastanýda.

Aýylymyzda mádenıet úıi, kitaphana, aýyl ambýlatorıasy jumys jasap tur. Ortalyqta meshit ornalasqan. Elimiz boıynsha atap ótiletin barlyq merekelik sharalar joǵary deńgeıde ótkiziledi. Oǵan bizder de qatysyp, óz úlesimizdi qosamyz. Aýylymnyń tarıhy jóninde áli de bolsa kóp málimet bilgim keledi. Mektebimizde aýyldyń, mekteptiń tarıhy jóninde derekterge baı tarıhı - ólketaný murajaıy jumys jasaıdy. Sabaq kezderinde osy murajaıdan bilgimiz kelgen málimetterimizdi alamyz.

Elbasymyz «aýyldy – ulttyń uıytqysy, altyn besigi»,- dep aıtqan. Memleketimizdiń tiregi, irgetasy aýylda. Al, biz - elimizdiń erteńimiz. Men óz aýylymnyń damyp, kórkeıýine úlesimdi qosqym keledi. Aýylymdy óte jaqsy kóremin.

«№ 10 Nurken Ábdirov atyndaǵy jalpy bilim beretin orta mektebi»
KMM - nyń 4 synyp oqýshysy Aktanov Saıat
Jetekshisi: Mashkeeva Sharbat Amangeldyevna
Shyǵarma: Meniń aýylymnyń kelbeti júkteý