- 28 qar. 2019 00:00
- 295
Shynqoja batyr
Shynqoja batyr ataǵy alǵash shyqqany — jońǵardyń Doba degen batyrymen jekpe-jekte shyǵyp, óltirgen kezi. Ol kezde ol jıyrma bir jasta eken. Taǵy bir soǵysta qalmaqtyń iri, egde tartqan batyrymen jekpe-jekke shyǵyp, Shynqoja eki súbesinen saýsaqtaryn batyra kóterip laqtyrǵanda, qalmaqtyń qabyrǵalary qolynda qalǵan eken. Taǵy bir soǵysta qarsylas jaqtyń segiz batyryn birinen keıin birin túsirgen. Shynqoja batyr Qarakereı Qabanbaı, kókjal Baraq batyrlarmen birge kóp joryqtarǵa qatysyp, Tarbaǵataı bókterindegi Naıman eliniń qonystaryna yqpal etken. Ol Týma, Taıpaq, Baıǵana jasaǵyna qolbasy bolyp, joryqqa daıyndalyp jatqan Qabanbaı bastaǵan batyrlarǵa kelip qosylyp, tize qosyp urys júrgizgen.