Photo: Kyle Loftus (https://www.pexels.com/@kyleloftusstudios) / Pexels
Shyǵys Qazaqstan dombyrashylary Gınness rekordsmeni atandy ma? Máseleniń anyq-qanyǵy
Naýryz merekesi kezinde Shyǵys Qazaqstan oblysynyń dombyrashylary Gınness rekordtar kitabyna endi degen habar tarady. Alaıda, keıbir oqyrmandar bul aqparattyń shyndyǵyna kúmán keltirdi.
Bul týraly Infohub.kz aqparat agenttigi habarlaıdy.
Rekord ornatý týraly ne belgili boldy?
Buǵan deıin Shyǵys Qazaqstan oblysy ákimdiginiń habarlaýynsha, Óskemendegi Respýblıka alańynda 5201 dombyrashy bir mezgilde «Aqbulaq» ánin oryndaǵan. Shara Naýryzdy toılaýǵa arnalǵan. Jergilikti bılik málimeti boıynsha, osy is-shara barysynda álemdik rekord ornatylǵan.
Oblys ákimi Nurymbet Saqtaǵanovqa rekordty Gınness rekordtar kitabyna engizý týraly sertıfıkat saltanatty túrde tabystalǵan. Bul jańalyqty qazaqstandyq BAQ-tar keńinen taratty.
Sertıfıkat pen uıym arasyndaǵy aıyrmashylyq
Alaıda, berilgen sertıfıkat Guinness World Records halyqaralyq uıymynyń resmı qujattarynan ózgeshelenip shyqty. Onyń ústine, sertıfıkatty «KINES Qazaqstan» atty jeke qurylym bergen.
Bul jaıtqa jýrnalıs Abaı Seıfýllaýly da nazar aýdaryp, áleýmettik jelide kúmán bildirdi. Onyń pikirinshe, Naýryz merekesinde ótken aýqymdy fleshmob qatelikpen Gınness rekordy retinde jarıalanǵan bolýy múmkin.
«Kınes» pen «Gınnes»: aıyrmashylyǵy nede?
Ashyq derekkózderine súıensek, «Kınes Qazaqstan» jobasy Guinness World Records halyqaralyq uıymymen eshqandaı baılanysy joq. Bul – qazaqstandyqtardyń túrli jetistikterin tirkeıtin jáne ulttyq rekordtar kitaby retinde jumys isteıtin jeke bastama.
Al Guinness World Records – álemdik rekordtardy tirkeıtin halyqaralyq uıym bolyp sanalady.
-
Qazaqstannyń halyq ártisi Roza Rymbaeva qaıyn aǵasynyń qyzdaryn qalaı asyrap alǵanyn jáne olardyń ómirindegi róli týraly aıtyp berdi.
-
Izraıl premer-mınıstri Bınámın Netanáhý AQSH prezıdenti Donald Tramppen Iran máselesi boıynsha sóıleskenin aıtyp, kez kelgen jaǵdaıda Izraıldiń múddesin qorǵaýǵa daıyn ekenin jetkizdi.
