InfoHub Logo

Shymkent qalasy ákiminiń orynbasary Rýslan Berdenov ózine jasalǵan shabýyldan keıin alǵash ret áleýmettik jelide málimdeme jasady. Ol qazaq halqyna jáne qoldaý bildirgen barsha azamattarǵa alǵys aıtty.

«Bul oqıǵa men úshin de, otbasym men jaqyndarym úshin de aýyr tıdi. Biraq osy ýaqyt aralyǵynda kóptegen adamnyń janashyrlyǵyn, qoldaýyn sezindim. Habarlasqan, jazǵan, tileýles bolǵan ár adamǵa rızamyn», – dedi Berdenov.

Sheneýnik aýrýhanada ótken úsh aptadan keıin jaǵdaıynyń jaqsarǵanyn, qalypty ómirge oralýǵa daıyn ekenin jetkizdi. Sonymen qatar, otandyq medısına salasynyń joǵary deńgeıde ekenin aıtyp, dárigerlerge alǵys bildirdi.