tengrinews.kz
Shymkentte bir podezde tórt adamnyń ólimi tabylǵan soń qylmystyq is qozǵaldy
Shymkenttegi stýdentter qalashyǵyndaǵy bir podezde bir kúnde tórt adamnyń qaza tabýy jurtshylyqty dúrliktirdi. Aldyn ala málimetter boıynsha, bul jaǵdaı gazben ýlanýdan bolǵan.
Bul týraly Infohub.kz aqparat agenttigi habarlaıdy.
Qaıǵyly oqıǵa stýdentter qalashyǵyndaǵy kópqabatty úılerdiń birinde boldy. Kórshilerdiń aıtýynsha, birinshi páterden 31 jastaǵy áıel men 16 jastaǵy qyzdyń máıiti tabylǵan. Ekinshi qabattaǵy páterde 23 jastaǵy jigit kóz jumǵan. Al úshinshi qabattaǵy jaldamaly páterde 20 jastaǵy stýdent qyz qaıtys bolǵan. Onyń máıitin páter ıesi vanadan tapqan.
Gaz ıisi týraly shaǵymdar bolǵan
Kórshiler buǵan deıin de gaz ıisi shyǵyp turǵany týraly shaǵymdanǵandaryn aıtady. Alaıda, ázirge gaz mamandarynan resmı túsinikteme berilmedi. Polısıa qyzmet kórsetýden adam ólimine ákep soqtyrý faktisi boıynsha qylmystyq is qozǵady.
«Birinshi qyzdy taýyp aldy, shamamen túngi saǵat 12 shamasynda. Páter ıesi kelgende vana esiginiń ishten qulyptaýly ekenin kóripti. Ashqan kezde, ishinde páterde turatyn qyz sýǵa túsip jatqan jerinde qaıtys bolǵan. Sodan keıin ýchaskelik polısıa shaqyryldy. Barlyq adamdardy kóshege shyǵara bastady. Qutqarýshylar kelgen soń, basqa esikterdi ashyp, taǵy da máıitterdi tapty», - dedi kýáger Islam Faızýllaev.
-
«Atyraý Jaryq» kompanıasy 5 naýryzda birqatar aýdandarda elektr energıasyn berýde ýaqytsha úzilister bolatynyn habarlady.
-
A criminal case has been opened after four individuals were found deceased in a single apartment building in Shymkent, with initial reports suggesting gas poisoning.
