InfoHub Logo

Shymkent qalasynda eriktiler tyl eńbekkeri bolyp tabylatyn qart áıeldiń las ári adam tózgisiz jaǵdaıda ómir súrip jatqanyn anyqtady. Instagram jelisinde jarıalanǵan vıdeoda qart adamnyń nájis pen taraqandar basqan antısanıtarlyq úıde turyp jatqany kórsetilgen.

Eriktilerdiń aıtýynsha, ájeıdiń zeınetaqysyn týysy alyp otyrǵanymen, oǵan kútim jasamaıdy jáne qarttar úıine ornalastyrýǵa qarsy bolǵan. Sonymen qatar Jeńis kúnine oraı berilgen marapat pen aqshalaı kómekti de týysy alǵan bolýy múmkin degen derek aıtyldy.
«Eger ápkesi kútim jasamasa, biraq zeınetaqyny alsa, bul qalaı atalady?» — dep jazdy eriktiler, jergilikti bılikti bul jaǵdaıǵa nazar aýdarýǵa shaqyryp.

Áleýmettik jelide bul jaǵdaı qoǵam narazylyǵyn týdyryp, qoldanýshylar qart adamǵa laıyqty ómir súrý jaǵdaıyn qamtamasyz etýdi talap etti.
Jazba astyndaǵy pikirlerge jaýap bergen Shymkent qalasy Jumyspen qamtý jáne áleýmettik qorǵaý basqarmasynyń ókili Marıa Ponamaróva qart áıeldiń qazirgi ýaqytta áleýmettik beıimdeý ortalyǵyna ornalastyrylǵanyn, onda tıisti kútim men kómekti alyp jatqanyn habarlady.