Shymkentte jýrnalıs Móldir Nurman bılik qysymyna ushyraǵanyn málimdedi
Shymkentte táýelsiz jýrnalıs Móldir Nurman 40 mlrd teńgeniń jumsalýyna qatysty zertteýinen keıin qýdalaýǵa ushyraǵanyn aıtty. Bul týraly Infohub.kz saıty jazdy.
Jýrnalıs qaladaǵy aýyz sý júıesin komýnaldyq menshikke qaıtarý barysyn zerttep, bul úderistegi ashyqtyqqa kúmán keltirgen. Onyń sózinshe, osyǵan baılanysty buryn qozǵalǵan qylmystyq is jabylǵanymen, quqyq qorǵaý organdary isti qaıta qozǵap, "fılologıalyq saraptama qorytyndysyna" súıene otyryp keshirim suraýdy talap etken.
— Men búdjet qarjysyn tıimdi paıdalanýdy talap etkeni úshin qysymǵa tap boldym. Qalada balalar ólimine sebep bolǵan jol apattary bar, biraq ákimdik únsiz. Meniń jazbalarymnan keıin TikTok-ta da "tynysh júr" degen eskertýler alamyn, — deıdi Móldir Nurman.
Jýrnalıs bılik ókilderi tarapynan áleýmettik jelidegi belsendiligi úshin eskertý alǵanyn alǵa tartady.
You Might Also Like
-
Kóksý ózeninen aǵys alyp ketken er adamnyń máıiti tabyldy,dep jazady Infohub.kz.
-
Qazaqstandyq qoldanýshylar 2GIS navıgasıalyq qosymshasyn qazaq tiline nemquraıly qarady dep aıyptady. Olardyń aıtýynsha, keıbir mekemelerdiń qazaqsha máziri joq ekenin aıtyp, teris pikir jazǵan qoldaný...
