tengrinews.kz
Shymkentte «Nurboldyń kýáligi» oqıǵasy qaıtalandy: Alaıaq ustaldy
Shymkentte Qarjy monıtorıńi agenttiginiń qyzmetkerleri ekonomıkalyq tergeý qyzmetiniń qyzmetkeri bolyp kóringen azamatty ustady. Bul týraly Infohub.kz aqparat agenttigi habarlaıdy.
Vedomstvo málimetinshe, oqıǵa 2025 jyldyń qyrkúıek aıynda bolǵan. Kúdikti ózin Ekonomıkalyq tergeý departamentiniń qyzmetkerimin dep tanystyryp, kompanıa basshysyn 25 mıllıon teńge berýge kóndirgen.
Aqshany medısınalyq mekemeni tekserýge jatatyn uıymdar tiziminen shyǵarýǵa kómektesý syltaýymen alǵan.
Er adam ustalyp, ýaqytsha ustaý ızolátoryna qamaldy. Qazirgi ýaqytta sotqa deıingi tergeý amaldary júrgizilip jatyr.
«Nurboldyń kýáligi» oqıǵasy
Esterińizge sala keteıik, 2021 jyldyń jazynda qaznette «Nurbol kýáligi» esimdi azamattyń vıdeosy paıda bolǵan edi. Keıinnen bul oqıǵa jalǵasyn taýyp, Shymkentte polısıa qyzmetkeriniń vıdeojetony er adamnyń jalǵan kýálikti qoldanǵanyn jazyp alǵan.
Keıin, 2022 jyldyń mamyr aıynda «Nurbol kýáligi» sybaılas jemqorlyqqa qarsy qyzmet qyzmetkeriniń atyn jamylyp, Kaspıı jaǵalaýynan jer telimin talap etken.
-
Smertelnyı vırýs obnarýjen na sýdne, sledovavshem ız Argentıny. Medıkı opasaıýtsá dalneıshego rasprostranenıa ınfeksıı.
-
Elektr energıasin jetkizýshi kompanıa tarıfterdi kóterýdi josparlap otyr. Bul qadamnyń sebebi – kompanıanyń 11,2 mlrd teńgege jýyq shyǵyny.
