InfoHub Logo

Shymkent qalasyndaǵy «Qıal álemi» saıabaǵyn buzý áreketi kásipkerler men ákimdik arasynda daý týǵyzyp otyr, dep habarlaıdy Infohub.k,.

Kásipkerler birneshe jyldan beri osy aýmaqta shaǵyn bıznes júrgizip, kúnkóris qamymen aınalysyp kelgen. Qala ákimdigi súrý jumystary úshin aýyr tehnıkany jibergende, kásip ıeleri oǵan tosqaýyl qoıyp, qarsylyq bildirdi. Jaǵdaı ýshyǵyp, oqıǵa ornyna polısıa qyzmetkerleri tartyldy.

Kásipkerler ne deıdi?
Kásipkerlerdiń aıtýynsha, olardyń qolynda 4 gektar jerdi 49 jylǵa jalǵa alý týraly zańdy kelisimshart bar. Bul merzimniń aıaqtalýyna áli 19 jyl qalǵan. Soǵan qaramastan, Shymkent qalasynyń ákimi Ǵabıt Syzdyqbekov bastaǵan ákimdik «jer zańsyz paıdalanyldy» degen ýájben sotqa júginip, nátıjesinde sot sheshimi kásipkerlerdiń emes, ákimdiktiń paıdasyna shyqqan.

Saıabaqtaǵy saýda oryndary men atraksıondarda 300-ge jýyq adam jumys isteıdi. Kópshiliginiń bankte nesıesi bar, al tabystary osy kásipke táýeldi. Jumystary toqtasa, áleýmettik jaǵdaılary kúrt nasharlaýy múmkin.

Kásipkerlerdiń ýáji
– Ákimdik bizdi kóshirgisi kelse, aldymen basqa jer taýyp bersin. Bizge qurylys júrgizip, kóshý úshin ýaqyt kerek. Bir kúnde kásipten aıyrý – ádiletsizdik, – deıdi kásipker Aıman Áshirbaeva.

Ákimdik ne deıdi?
Qala ákimdigi saıabaq ornynda jasyl jelek aımaǵyn ashýdy josparlap otyr. Sheneýnikterdiń málimdeýinshe, bul jerde ornalasqan 30 nysan zańsyz salynǵan. Alaıda jer berý tártibiniń naqty qaı bóligi buzylǵany týraly túsinikti jaýap berilmedi.

Qalalyq orta sapasy jáne baqylaý basqarmasynyń basshysy Merlan Kerimjanov jerdiń bastapqyda durys rásimdelmegenin alǵa tartqan.

Kásipkerler úmiti – ádil sheshim
Ázirge kásipkerler qala basshysy Ǵabıt Syzdyqbekovten ádil ári ymyraly sheshim kútýde. Olar bılik ókilderi bıznes ıeleriniń de pikirin eskerip, máseleni kelissóz arqyly sheshse deıdi. Óıtkeni bul daý júzdegen otbasynyń taǵdyryna tikeleı áser etpek.