InfoHub Logo

Bul týraly Infohub.kz aqparat agenttigi habarlaıdy.

Qytaı Halyq Respýblıkasynyń Tóraǵasy Sı Szınpın AQSH prezıdenti Donald Tramppen Beıjińde ótken kezdesýde eki el arasyndaǵy qarym-qatynasta «Fýkıdıd qaqpanyna» jol bermeýdiń mańyzdylyǵyn atap ótti.

Álemdegi ózgerister men jahandyq syn-tegeýrinder

Qytaı kóshbasshysy álemniń tereń ózgerister men «turaqsyzdyq» kezeńin bastan keshirip jatqanyn aıtty. Onyń aıtýynsha, Beıjiń men Vashıngtonnyń yntymaqtastyǵy jahandyq syn-tegeýrinderdi eńserýge jáne iri derjavalar arasyndaǵy jańa qarym-qatynas modelin qurýǵa múmkindik beredi.

«Qytaı men AQSH «Fýkıdıd qaqpanynan» shyǵa ala ma jáne iri derjavalar arasyndaǵy jańa qarym-qatynas modelin jasaı ala ma… bul tarıh, álem jáne halyqtar qoıǵan suraqtar», - dedi Sı Szınpın.

«Fýkıdıd qaqpany» degen ne?

Bul termındi amerıkandyq saıasattanýshy Grem Allıson tanymal etken. Ol jańa, kúsh jınap kele jatqan derjavanyń burynǵy gegemon derjavany yǵystyryp shyǵarýǵa umtylǵan kezdegi soǵysqa ákeletin tendensıany sıpattaıdy.

Qytaı men AQSH qarym-qatynasy

QHR Tóraǵasy Qytaı men AQSH-tyń ortaq múddeleriniń barlyq kelispeýshilikterden basym ekenin atap ótti. Ol bir eldiń tabysy ekinshisine múmkindikter ashatynyn qosty.

«Qytaı-Amerıka qarym-qatynasynyń turaqtylyǵy álemge paıdaly», - dedi Sı Szınpın.

Óz kezeginde Tramp Sı Szınpınmen kezdesýde Beıjińge jasaǵan sapary eki el arasyndaǵy qarym-qatynasty jaqsartatynyna ýáde berdi.

«Bizde bári jaqsy boldy, qıyndyqtar týyndaǵanda, biz olardy sheshtik… Bizdi tamasha birlesken bolashaq kútip tur», - dedi AQSH prezıdenti.

Ol Beıjińde bolý jáne Qytaı basshysynyń «dosy» bolý qurmet ekenin aıtty.

Esterińizge sala keteıik, Tramp Qytaıǵa 13 mamyrda kelgen bolatyn. Beıjińde 14 mamyrda AQSH prezıdenti men QHR Tóraǵasy Sı Szınpın arasyndaǵy kelissózder bastaldy. Bul kelissózder amerıka-qytaı qarym-qatynasynyń kelesi kezeńin anyqtaıdy dep kútilýde. AQSH-tyń joǵary laýazymdy sheneýnikteriniń aıtýynsha, kóshbasshylar saýda men ınvestısıa, sondaı-aq Irandaǵy soǵys jáne basqa da máselelerdi talqylaıdy.