tengrinews.kz
Sı Szınpın Qytaıdyń Ýkraınadaǵy soǵysqa qatysty "prınsıpıaldy" ustanymyn málimdedi
Qytaı Halyq Respýblıkasynyń Tóraǵasy Sı Szınpın Ýkraınadaǵy soǵysty toqtatý joldary týraly Qytaıdyń "prınsıpıaldy" ustanymyn málimdedi. Bul týraly ol Germanıa kansleri Frıdrıh Merspen kezdesýinde aıtty.
Sı Szınpınniń aıtýynsha, beıbit kelissózderge barlyq taraptar teń dárejede qatysýy tıis. Sondaı-aq, ol barlyq taraptardyń zańdy alańdaýshylyqtaryn eskerip, beıbitshilikke degen erik-jigerdi kúsheıtý qajettigin atap ótti. Bul týraly Qytaı Syrtqy ister mınıstrliginiń baspasóz qyzmeti habarlady.
Qytaı basshysy halyqaralyq jaǵdaıdyń ekinshi dúnıejúzilik soǵystan keıingi eń kúrdeli ózgeristerge ushyrap jatqanyn aıtty. Onyń pikirinshe, soǵysty aıaqtaýdyń kilti – dıalog pen kelissózderdi jalǵastyrý.
Germanıa kansleri Frıdrıh Mers bolsa, Sı Szınpındi Reseıge yqpal etip, Máskeýdi Ýkraınadaǵy soǵysty toqtatýǵa kóndirýge shaqyrdy. Merstiń aıtýynsha, Pekınniń sıgnaldary Máskeýde úlken mańyzǵa ıe.
Buǵan deıin AQSH-tyń NATO-daǵy elshisi Metú Ýıtaker de Beıjińniń Reseıge bir ǵana qońyraý shalý arqyly soǵysty aıaqtaýǵa yqpal ete alatynyn málimdegen bolatyn.
Ýkraına prezıdenti Vladımır Zelenskıı bolsa, Qytaıdyń ázirge Reseıdiń Ýkraınaǵa qarsy soǵysyn toqtatýǵa qyzyǵýshylyq tanytpaǵanyn aıtqan edi.
-
Kollektıv gosýdarstvennogo predprıatıa v Aktaý vystýpıl protıv smeny rýkovodstva, trebýıa vosstanovlenıa dırektora na doljnostı.
-
Chinese President Xi Jinping emphasizes the need for equal participation of all parties in peace talks to resolve the conflict in Ukraine.
