pixabay
Sırendi úzýge bolmaıdy: Qazaqstandyqtarǵa 216 myń teńgege deıin aıyppul salynýy múmkin
Almatyda sıren gúliniń maýsymy bastaldy. Alaıda, áleýmettik jelide sırendi úzýge tyıym salynyp, aıyppul mólsheri 200 myń teńgege deıin jetýi múmkin degen aqparat tarap, qyzý talqylaýǵa sebep boldy. Bul týraly Stan.kz aqparat agenttigi habarlaıdy.
Jelidegi jazba avtorynyń aıtýynsha, sıren butaqtaryn syndyrý aǵashqa zıan keltirip qana qoımaı, ıesine aıyppul tóleýge májbúrleıdi. Bul pikir kópshiliktiń qyzý talqylaýyna ulasty.
Sırendi kútý jáne zań talaptary
Keıbir paıdalanýshylar sırendi kesýdiń onyń ósýine paıdaly ekenin, biraq ony durys jasaý kerektigin aıtty. Al endi bireýler buryn muny tipti paıdaly dep sanaǵanyn jetkizdi. Alaıda, zańnamaǵa sáıkes, QR Ákimshilik quqyq buzýshylyq kodeksiniń 338-1-babynda aǵashtar men butalardy zańsyz kesý, joıý nemese búldirý úshin jaýapkershilik qarastyrylǵan. Jeke tulǵalarǵa bul úshin 50 AEK kóleminde aıyppul salynady. 2026 jylǵy esepteý boıynsha bul shamamen 216 250 teńgeni quraıdy.
Iaǵnı, eger sıren qala aýmaǵynda – aýlada, saıabaqta nemese kóshe boıynda ósse, ony úzýge bolmaıdy. Al jeke menshik aýmaqtaǵy gúlderge qatysty jaǵdaı basqasha. Mundaıda ıesi shyǵyndy ózi baǵalap, ótemaqy talap ete alady.
Buǵan deıin qazaqstandyqtardyń qyzyl kitapqa engen jabaıy qyzǵaldaqtardy julý úshin 13 mıllıon teńgege deıin aıyppul tóleýi múmkin ekeni habarlanǵan bolatyn.
-
Qazaqstandyq ánshi Tóreǵalı Tóreáliniń jary Tolqyn Turarbekqyzy jetinshi sábıin dúnıege ákelgennen keıin áleýmettik jelide tolǵanysty jazba jarıalady.
-
A debate is raging in Kazakhstan over fines for picking lilacs, with potential penalties reaching up to 216,250 tenge.
