InfoHub Logo

Ánshi BayanSulu áleýmettik jelide óziniń shyǵarmashylyq jolyndaǵy qıyndyqtar týraly aıtyp, ánderiniń avtory Qýat Ábilovpen aradaǵy daýdyń sebebin túsindirdi. Ol avtordy jalǵan aqparat taratty dep aıyptap, zań júzinde shara qoldanatynyn málimdedi.

Bul týraly Infohub.kz aqparat agenttigi habarlaıdy.

Avtordyń aıyptaýyna jaýap

BayanSulu Qýat Ábilovtiń ózine joldaǵan beınejazbasynda jalǵan aqparat taratylǵanyn aıtty. Ánshiniń sózinshe, avtor kórsetken qujattar ánge esh qatysy joq, olar onyń jeke quqyǵyn qorǵaýǵa arnalǵan.

«Ol kisige jalǵan aqparat taratqany úshin zań júzinde shara qoldanamyz», - dedi ánshi.

Ánder úshin tólem jáne kelisimshart máselesi

Ánshi ánderdiń tólemin jasaýdan eshqashan bas tartpaǵanyn, biraq kelisilgen baǵadan úsh ese ulǵaıyp ketkendikten tóleı almaǵanyn aıtty. Alaıda, avtormen naqty bir somaǵa kelisip, eki saǵat ishinde kelisimshartty usynǵanyn, biraq avtor oıynan aınyp qalǵanyn jetkizdi.

«Ánderdi búkil jerden óshirtetinin aıtty», - dedi BayanSulu.

«Umytsam da» ániniń tarıhy

BayanSulu eki jyl buryn «Umytsam da» ánin óz aqshasyna satyp alǵanyn aıtty. Alaıda, án bir jyl boıy eshqaıda shyqpaı, ózinde turǵan. Keıin burynǵy prodúseri Álisher Býrhanov ándi unatyp, vıdeo formatta túsirip, halyqqa usynǵan. Bul án úlken hıt bolyp, avtor habarlasyp, birge jumys isteýge daıyn ekenin bildirgen.

«Men ártis retinde ol máselege aralasa almadym. Óıtkeni onyń bári prodúserdiń jumysy edi. Al "Umytsam da" áni tolyqtaı meniń ánim», - dedi ánshi.

Ánshi bul máselelerdiń kóp qupıasy men úlken máselesi bar ekenin aıtyp, jaqynda dáleldermen, sottyń úkimimen kórsetetinin málimdedi.