InfoHub Logo

Almaty qalasyndaǵy ákimshilik quqyq buzýshylyqtar jónindegi mamandandyrylǵan aýdanaralyq sotynda burynǵy ánshi Rahat Turlyhanovqa qatysty is qaraldy. Bul is otbasyndaǵy janjaldan keıin qozǵalǵan bolatyn.

Bul týraly Infohub.kz aqparat agenttigi habarlaıdy.

Sot otyrysynyń basynda advokat isti jabyq rejımde qaraýdy surady, alaıda sot bul ótinishti qanaǵattandyrmady. Qorǵaýshy tarap jubaılardyń tatýlasqanyn jáne bir-birine shaǵymy joq ekenin aıtyp, isti toqtatýdy talap etti. Advokattyń aıtýynsha, zorlyq-zombylyq bolmaǵan, janjal otbasylyq kelispeýshilikterge baılanysty týyndaǵan.

Sotta Turlyhanovtyń áıeli kúıeýiniń ózin uryp-soqpaǵanyn jáne qorlamaǵanyn málimdedi. Onyń sózine qaraǵanda, olar tek ajyrasýǵa baılanysty sózge kelgen. Turlyhanovtyń ózi de aralarynda urys bolǵanyn rastap, biraq kúsh qoldanbaǵanyn atap ótti.

Osydan keıin prokýror isti toqtatyp, materıaldardy qosymsha tekserýge jiberýdi usyndy. Sýdıa bul sheshimdi qoldap, QR ÁQBtK-niń 73-baby («Otbasy-turmystyq qatynastar salasyndaǵy quqyqqa qarsy áreketter») boıynsha qozǵalǵan is toqtatylyp, Medeý aýdanynyń prokýroryna qosymsha tekserý úshin jiberildi.

Sottyń habarlaýynsha, istiń qozǵalýyna bastapqyda jábirlenýshiniń quqyq qorǵaý organdaryna júgingen kezde dene jaraqatyn alǵany týraly bergen aryzy negiz bolǵan.

Sot qaýlysy zańdy kúshine engen joq.