vıdeodan skrınshot
Sotta Sársemálıevtiń ákesi: «Ulym áıeline de, balalaryna da eshqashan agresıa kórsetken emes»
Atyraý oblysynyń qylmystyq ister jónindegi mamandandyrylǵan sotynda bútin bir otbasynyń ólimine qatysty atyshýly is boıynsha kýágerlerden jaýap alý bastaldy. İs boıynsha basty aıyptalýshy – marqumdardyń kúıeýbalasy, 29 jastaǵy Sultan Sársemálıev.
Bul týraly Infohub.kz aqparat agenttigi habarlaıdy.
Sot otyrysyndaǵy jaǵdaı
29 mamyrdaǵy sot otyrysynda aıyptalýshynyń ata-anasy kýáger retinde jaýap berdi. Sot zalyna alǵashqylardyń biri bolyp Sultan Sársemálıevtiń ákesi Samıǵolla Sársemálıev shaqyryldy. Sot barysynda egde jastaǵy er adamnyń estý qabiletiniń nasharlaǵany jáne aıaǵyndaǵy jaraqatqa baılanysty áreń qozǵalatyny belgili boldy.
Ákesi sot zalyna kirgen sátte Sultan Sársemálıev kóz jasyna erik berdi. Alaıda sýdıa Zarema Hamıdýllınanyń jaǵdaıyn suraǵan saýalyna ol «bári jaqsy» dep jaýap qaıtarǵan.
Ákesiniń aıǵaǵy
Sotta Samıǵolla Sársemálıev otbasynda tórt bala tárbıelegenin, Sultannyń kenje uly ekenin aıtty. Sondaı-aq ol ulynyń burynǵy jubaıy Aqbaıan Muqanǵalıevamen qarym-qatynasyna qatysty pikir bildirdi.
«Ulym balalaryna da, áıeline de eshqashan agresıa kórsetken emes. Olardyń arasynda janjal bolǵan joq. Sultan otbasy múshelerine árdaıym sypaıy qaraıtyn», – dedi aıyptalýshynyń ákesi.
İs boıynsha aıyptar
Eske sala keteıik, Sultan Sársemálıevke Maqsot Qarabalın, Násip Óteshqalıeva, Naýryz Muqanǵalıev jáne Meıramgúl Qarabalınanyń ólimine qatysty aýyr aıyptar taǵylyp otyr. İs Atyraý oblysynyń qylmystyq ister jónindegi mamandandyrylǵan sotynda qaralýda.
-
Áleýmettik jelilerde Jambyl oblysynda SOBR ınspektorynyń óz-ózine oq atqany týraly aqparat tarady. Polısıa departamenti bul jaǵdaıǵa qatysty pikir bildirdi.
-
Atyraýdaǵy sot prosesinde Sultan Sársemálıevtiń advokatynyń áreketi kúmán týdyrdy. Alǵashqyda memleket bergen qorǵaýshymyn degen advokat keıinnen sottalýshynyń ózi jaldaǵanyn moıyndamady.
