Photo: Francesco Ungaro (https://www.pexels.com/@francesco-ungaro) / Pexels
Strandja kýbogy: Qazaqstandyq alty boksshy jarysty jalǵastyrady
Bolgarıa astanasy Sofıada ótip jatqan Strandja kýbogynda qazaqstandyq alty boksshy jarysty jalǵastyrý múmkindigin ıelendi. Bul týraly QazaqToday.info aqparattyq portaly habarlaıdy.
Kúndizgi kezdesýlerde 51 keli salmaqta Jazıra Oraqbaeva, 70 kelide Mádına Nurshaeva, 54 kelide Ánel Saqysh, Elına Bazarova, Jaına Shekerbekova jáne 55 kelide Baǵlan Kenjebek óz baqtaryn synaýdy jalǵastyrady.
Alaıda, 51 kelidegi Anıta Adısheva men 55 kelidegi Tımýr Qabdeshov týrnırden shyǵyp qaldy.
Endi keshki sesıada birneshe qazaqstandyq boksshy rıngke shyǵady. A rınginde 65 kelide Ábdikárim Ábdiǵalym, Ilá Kalının, Ertýǵan Zeınýllınov, 90 kelide Dáýlet Tólemisov el namysyn qorǵaıdy. Al B rınginde 85 kelide Sultanbek Aıbaruly, Bekzat Tańatar jáne 90 kelide Nurmagamed Iýsýpov óner kórsetedi.
Aıta keteıik, Qazaqstannan 39 boksshy bul týrnırge qatysýda. Strandja kýbogy bıyl 77-shi ret uıymdastyrylyp otyr. Bul – Eýropadaǵy eń tarıhı sporttyq jarystardyń biri.
Qazaqstan quramasy bul týrnırde buǵan deıin 23 altyn, 34 kúmis jáne 45 qola júldege ıe bolǵan. Qazaqstandyq boksshylar alǵash ret 1994 jyly osy dodada baq synap, 75 kelidegi Valerıı Kýzmensov kúmis júlde alǵan bolatyn. Al 2005 jyly Serik Sápıev (60 keli) Qazaqstannan shyqqan alǵashqy chempıon atandy. Áıelder arasynda Valentına Halzova eki ret jeńimpaz atansa, erler arasynda Ertýǵan Zeınýllınov qatarynan ekinshi márte chempıon ataný múmkindigine ıe.
-
Qazaqstan halqy Assambleıasynyń qyzmetin qaıta qaraý jáne jańa keńesshi organ qurý máselesi kóterildi. Jańa Halyq keńesi zańnamalyq bastamalar jasaý quqyǵyna ıe bolady.
-
Six Kazakh boxers have progressed to the next stage of the prestigious Strandzha Cup in Sofia, Bulgaria, continuing their quest for medals at Europe's oldest boxing tournament.
