InfoHub Logo

Taqyryby: Sý - tirshilik kózi
Maqsaty: sýdyń tabıǵat pen adam ómirinde alatyn ornymen tanystyrý. Tiri tabıǵat pen áli tabmǵat arasyndaǵy baılanysty túsindirý. Tabıǵattaǵy sýdy qalaı qorǵaý kerek ekenine kóz jetkize otyryp, oı - órisin, dúnıe tanymyn keńeıtý. Tabıǵatqa degen súıispenshiligin, qyzyǵýshylyǵyn arttyra otyryp, tabıǵattyń ádemi sulýlyǵyn kóre bilýge jáne oǵan qamqor bolýǵa tárbıeleý.
Ádis - tásilderi: Tájirıbe jasaý, kórsetý, túsindirý, oıyn, suraq - jaýap, shattyq sheńber, jumbaq sheshý.

Shattyq sheńberi: Tabıǵat bizdiń anamyz,
Tabıǵatqa balamyz.
Iilip sálem beremiz,
Biz ádepti bolamyz.
Armysyń altyn kún!
Armysyń Jer - Ana!

Tárbıeshi: - Balalar, men senderge jumbaq jasyraıyn.
«Jıyp - terip bolatyn,
Qambaǵa astyq tolatyn.
Qyzyl qyrman oınaıtyn,
Qaı mezgil dep oılaısyń?»
Balalar: - Kúz mezgili.
Tárbıeshi: - Iá, qazir kúz mezgili, kúzde tabıǵat qandaı bolady?
Balalar: Kún salqyndap, aınala sary túske enip, egin, jemis - jıdek, kókónister pisedi. Tabıǵat erekshe kúıde bolady.
Tárbıeshi: - Tabıǵat degenimiz ne?
Balalar:- Tabıǵat degenimiz bizdi qorshaǵan orta.
Tárbıeshi: - Tabıǵat qandaı bolady?
Balalar: - Tiri tabıǵat jáne óli tabıǵat.
Tárbıeshi: - Tiri tabıǵatqa jáne óli tabıǵatqa neler jatady?
Balalar: Tiri tabıǵatqa aǵashtar, jándikter, janýarlar, gúlder, al óli tabıǵatqa qar, jańbyr, sý, tas, kún jatady.
Tárbıeshi: - Balalar jaqsylap oılanyp tyńdańdar.

1. «Esh tesikte turmaıdy,
Ol joqta jer qurǵaıdy.»
2. «Oıdym jerde jatady
Kún sýytsa qatady.
Aspanǵa da ushady
Jerge de sińip batady»