InfoHub Logo

Bilim berý salasy: Tanym.
Bólimi: Ekologıa negizderi
Taqyryby: Sýdy jaqsy kóretinder
Maqsaty: 1. Sýda tirshilik etetin janýarlar jaıly túsinik berý, qurlyqta jáne sýda tirshilik etetin janýarlardyń aıyrmashylyǵyn úıretý.
2. Janýarlardyń attaryn, olardyń qoregi jáne jalpy olardyń tirshiligi týraly túsindirý arqyly zeıinderin damytý.
3. Tabıǵatqa qamqorlyqpen qaraýǵa baýlý.
Qoldanylatyn kórneki quraldar: balyq, túlki, túıe, úırek, qoıan, qoltyraýyn, tıinniń oıynshyqtary, avtobýs maketi, sýdyń jaǵasynyń maketi, úlestirmeli materıaldar.
Ádis - tásilder: Mnemotehnıka, áńgimeleý, suraq - jaýap, Trız
Bılıngvaldy komponent: balyq - ryba, sý - voda, túlki - lısa, úırek - ýtka, qoıan - zaıas.

Oqý is - áreketiniń kezeńderi
Pedagogtiń is - áreketi Balalardyń is - áreketi
Motıvasıalyq - qozǵaýshylyq
Shattyq sheńberi
Qýan, shattan, alaqaı!
Qýanatyn kún keldi.
Kelip shyqty kún búgin!
Qaıyrly tań, balalar!
Qaıyrly kún apaılar! Balalar sheńber boıyna turyp, qımyldar jasaıdy.

Uıymdastyrýshylyq - izdenistik
- Balalar, men senderge jumbaqtar jasyramyn (mnemokeste arqyly jumbaqtar jasyrylady).
Qanaty bar ushpaıdy,
Jurt aılamen ustaıdy.

- Durys aıtasyńdar, bul – balyq.
Shelektep quısań da sý juqpas.

Jabaıy úırekter sýda júzedi. Olar – sý qustary.
- Endeshe balalar, sý álemine saıahatqa shyǵaıyqshy. Bárimiz kóńildi avtobýsqa minip, saıahatqa attanamyz (mýzyka qoıylyp, balalar án aıtyp, saıahatqa shyǵady).
- Mine, balalar keldik.
- Mynaý sýdyń jaǵasynda turǵan qandaı janýarlar?
- Durys aıtasyńdar, balyq, qoltyraýyn, úırek.
- Al myna qurlyqta júrgen qandaı janýarlar?
- Jaraısyńdar, ıaǵnı bul janýarlar qurlyqta mekendeıdi eken.

Sergitý sáti
Balyq júzdi taza sýda,
Bir kerilip, bir jıyrylýda.
Júzip, júzip sharshaǵanda,
Tyǵylady tasty qumǵa.
Qaz qanatyn jaıdy,
Aqqý moınyn sozdy,
Úırek kelip qondy.
Endeshe sýdyń jaǵasyna kelip qappyz, balyq aýlap qaıtaıyq.
«Balyq aýlaıyq» oıyny.
Maqsaty: sý janýarlary týraly bilimderin keńeıtý.
Sharty: berilgen sýrettegi ashyq jerlerge qandaı balyq sáıkes keletinin japsyrý.

- Balalar, sender óte alǵyr ekensińder, biz sýda mekendeıtin janýarlar jaıly kóp maǵlumat aldyq, endi óz tobymyzǵa qaıtaıyq. Avtobýsymyz da kelip qalypty.
Topqa kelip, «Balyqtyń kóleńkesin tap!» oıynyn oınaımyz.
Balyq týraly biletin taqpaqtaryn aıtyp shyǵady.

Refleksıalyq - túzetýshilik Qorytyndylaý.
«Toptastyr» oıyny
Maqsaty: sýda jáne qurlyqta mekendeıtin janýarlardy ajyrata bilýge úıretý.
Sharty: sýdyń sýreti turǵan qatardaǵy qaltashalarǵa sýda mekendeıtin janýarlardyń sýretin, al jerdiń sýreti turǵan qatarǵa qurlyqta mekendeıtin janýarlardyń sýretterin salamyz.
Balalar pedagogtiń aıtqanyn oryndaıdy. Oıyndy bar yntasymen oınaıdy.

Kútiletin nátıje:
oryndaıdy: qurlyqta jáne sýda tirshilik etetin janýarlardy ajyratýǵa arnalǵan tapsyrmany;
túsinedi: qurlyqta jáne sýda tirshilik etetin janýarlardyń attary, olardyń qorekteri, ıaǵnı jalpy tirshiligi týraly málimetti;
qoldanady: suraqtarǵa tolyq jaýap bere alý jáne óz oılaryn jetkize alý, kommýnıkatıvtik jáne aqparattyq taldaı bilý daǵdylaryn.