InfoHub Logo

Ánshi Erbolat Qudaıbergen ózine qatysty aıtylǵan syndarǵa jaýap retinde jańa ánin shyǵardy. Óner ıesi suhbat berip, artyq sózben áýre bolmaı, oıyn shyǵarmashylyǵy arqyly jetkizýdi jón kórgenin málimdedi.

Bul týraly Infohub.kz aqparat agenttigi habarlaıdy.

«Látir-láı» – heıterlerge arnalǵan

Ánshi ózine qoldaý bildirgen tyńdarmandaryna alǵys aıtyp, «Látir-láı» ánin óziniń atynan jalǵan vıdeolar taratqan jáne syn aıtqan jeli qoldanýshylaryna arnaǵanyn jetkizdi. Ol óziniń jazbasynda:

«Intervúge shaqyryp sóz kóbeıtpeı, jaýapty óleńimmen qabyl alyńyzdar. Aq kóńildi, shynaıy ýaıymdaǵan tyńdarmandaryma alǵysym sheksiz. «Látir-láı» heıterler men kóz jetpesten meniń atymmen vıdeony shyǵaryp otyrǵan paraqshalardyń ıelerine arnaımyn», — dep jazdy.

Oqıǵanyń mán-jaıy

Buǵan deıin áleýmettik jelide ánshiniń mas kúıde júrgeni túsirilgen beınejazba taraǵan bolatyn. Polısıaǵa kópqabatty úılerdiń birinde tynyshtyqtyń buzylǵany týraly shaǵym túsken. Oqıǵa ornyna barǵan tártip saqshylary ánshiniń agressıvti minez tanytyp, aınalasyndaǵylarǵa qolaısyzdyq týdyrǵanyn habarlady.

Nátıjesinde, ánshi 15 táýlikke mamandandyrylǵan medısınalyq mekemege ornalastyryldy. Polısıa ókilderiniń aıtýynsha, ol buǵan deıin de qoǵamdyq tártipti buzǵany úshin ákimshilik jaýapkershilikke tartylǵan.