InfoHub Logo

Qazaq ádebıeti 5 - synyp
Sabaqtyń taqyryby: Sultanmahmut Toraıǵyrov «Shilde» óleńi
Sabaqtyń maqsaty:
Bilimdilik: Aqyn ómiri, shyǵarmashylyǵy týraly málimetter berý, «Shilde» óleńiniń kórkemdik ereksheligimen tanystyrý.
Damytýshylyq: Shyǵarmalaryna zertteý jobasyn jasaý arqyly oqýshylardyń oqyǵan shyǵarmalarynan negizgi oıdy ajyrata bilý, saralaý qabiletterin damytý, tezıs, tirek - konspekt uǵymdarymen tanystyrý.
Tárbıelik: Oqýshylardy jaz mezgiliniń erekshelikterimen tanystyra otyryp, ásemdikke, sulýlyqqa tárbıeleý. Oqýshylardyń boıynda sulýlyqty sezinýdi qalyptastyrý.
Sabaqtyń túri: jańa taqyrypty meńgertý sabaǵy.
Sabaqtyń ádis - tásili: suraq - jaýap, áńgimelesý, revın ádistemesi, refleksıa, taldaý, shyǵarmashylyq, oıyn, trenıń.
Sabaqtyń kórnekiligi: tanystyrylym, taratpa qaǵazdar, sózjumbaq, stıkerler, japsyrǵyshtar, sýretter.
Pánaralyq baılanys: tarıh, beıneleý, mýzyka.
Sabaqtyń barysy:
İ. Uıymdastyrý
Oqýshylarmen amandasý, túgendeý.
Psıhologıalyq trenıń. «Meniń jaqsy kóretin túsim». Oqýshylar ózderine usynylǵan túrli - tústi paraqtardy tańdaıdy. Tańdap alǵan túsine qaraı anyqtamalar alady jáne topqa bólinedi.

İİ. Úı tapsyrmasyn tekserý
«Serpilgen saýal» oıyny.
Sharty: Úrlengen shardy oqýshylarǵa suraq qoıa otyryp laqtyrý. Shardy ustap alǵan oqýshy suraqqa jaýap beredi. Jaýap bere almasa, óz ónerlerin kórsetedi.
Suraqtar:
1. Abaı Qunanbaev qaı jyly, qaı jerde dúnıege keldi?
2. Abaıdyń bilimge, ǵylymǵa shaqyrǵan qandaı óleńderi bar?
3. Qys óleńinde aqyn qysty nege teńeıdi?
4. «Qys» óleńin jatqa aıt.
5. Óleńdegi Qondybaı, Qanaı kimder?
6. Qystyń qıyndyǵyn kimder kóredi?
7. Aqyn adam bolý úshin neden qashyq, nege asyq bolý kerek deıdi?
8. Dúnıe de ózi, mal da ózi degen ne?
9. Ǵıbrátli, náfrátli sózderine anyqtama ber.

İİİ. Jańa sabaq.
1. Tabıǵat dybystaryn tyńdatý. Estigen dybystary jaıly oılaryn surastyrý.
Qandaı dybystardy estidińder?
Bul dybystar jyldyń qaı mezgiline tán?
Osyǵan deıin tabıǵat týraly qandaı shyǵarmalarmen tanystyńdar?
Qaısysyń Ybyraı atalaryńnyń «Ózen», Abaı atalaryńnyń «Qys», «Kúz» óleńderinen úzindi oqyp beresińder?
2. Sózjumbaqty shesheıik. Durys sheshilgen jaǵdaıda búgingi sabaǵymyzdyń keıipkeriniń esimin tabýǵa bolady.
qys
qulan
Tolaǵaı
tazsha
Asan
Qunanbaı
maqal
Abaı
Mahambet
Ahmet
Buqar
ertegi
3. Sultanmahmut Toraıǵyrovtyń ómiri men shyǵarmashylyǵy týraly málimet berý. DJIGSO ádisi arqyly aqyn ómirine baılanysty mátindi bólip berý. Top músheleri oqyp shyǵady, talqylaıdy.
Sultanmahmut Toraıǵyrov 1893 jyly 28 qazanda Omby ýeziniń Sharaǵaı bolysyna qarasty Qaraýyl Shabar aýylynda (qazirgi Aqmola oblysy Qyzyltý aýdany) týǵan. Onyń ákesi Shoqpyt (shyn aty Áýbákir) atanǵan kedeı, momyn sharýa adamy bolǵan. Shoqpyt kedeıliktiń taqsiretin kóp tartyp, Qaraýyl elindegi baı jezdesin panalap, malyn baqqan. Sonda úılengen. Baıqońyr, Sultanmahmut degen balalary bolǵan. Sultanmahmuttyń eki jasynda sheshesi ólip, jetimdikti kórip ósedi. Ákesi Shoqpyt áıeli ólgen soń balalaryn alyp, óziniń týǵan jeri Pavlodar oblysynyń Baıanaýyl aýdanyna kóshedi. Alǵashqysynda Sultanmahmut ákesinen arabsha hat tanyǵan. Tortaı, Muqan degen aýyl moldarynan oqıdy.