InfoHub Logo

Qazaq tili
Súıemin týǵan tildi — anam tilin,
Besikte jatqanymda - aq bergen bilim!
Shyr etip jerge túsken mınýtymnan
Qulaǵyma sińirgen tanys únin.

Sabaqtyń taqyryby: Lepti sóılem
Sabaqtyń maqsaty: Oqýshylarǵa lepti sóılemniń maǵynasyn túsindirý, kóńil - kúıdi, sezimdi bildiretin sózder týraly alǵashqy túsinikterin qalyptastyrý.
Sabaqtyń mindeti: Lepti sóılemdi tıisti daýys yrǵaǵymen oqýǵa jattyqtyrý;
lepti sóılemniń qandaı maǵyna bildirip turǵanyn anyqtatý. Óz betimen jumys jasaı bilýin jáne ózin baǵalaı bilýge úıretý, baılanystyryp sóıleýin, jazba tilin damytý. Sózdik qorlaryn molaıtý. Uıymshyl bolýǵa, ádildikke, adaldyqqa tárbıeleý.
Nátıje: Lepti sóılemdi tıisti daýys yrǵaǵymen oqı alady, saýatty, kórkem etip jaza alady. Ózdiginen jumys jasaı alady.
Tıpi: jańa bilimdi meńgertý.
Ádisi: B. Blým taksonomıasy, Syn turǵysynan oılaý strategıalaryn qoldaný, jas erekshelikterine saı oqytý, talantty jáne daryndy balalardyń túsindirý, suraq - jaýap, test.
Resýrstar: tústi stıkerler, taqta, tirek - syzba, kesteler, t. b.

Sabaqtyń barysy: İ. Uıymdastyrý.
1. Psıhologıalyq daıyndyq
Ózimizge: Sáttilik, qýanysh!
Qonaǵymyzǵa: Jaqsy kóńil - kúı!
Elimizge: Ashyq aspan, molshylyq!
2. Sabaqtyń maqsatyn habarlaý.
3. Sabaq kezeńderimen tanystyrý.
B. Blým boıynsha:
1. Bilim
2. Túsinik
3. Qoldaný
4. Taldaý
5. Jınaqtaý
6. Baǵalaý
Ár kezeń boıynsha baǵalaý paraǵyna upaı sandaryn qoıyp otyrý.

İİ. Negizgi bólim
Bilim
Maqsaty: ótilgen materıaldar boıynsha alǵan bilimderin tekserý
Tapsyrma: Sóılem týraly ne bilemiz? Belgilengen ýaqyt ishinde suraqtar berý.
1. Sóılem degenimiz ne?
2. Sóılem aıtylý maqsatyna qaraı neshege bólinedi?
3. Suraýly sóılem degenimiz ne?
Jaýap paraǵy arqyly tekserip, soǵan saı upaı qoıyp baǵalaý paraǵyna qoıyp otyrý.

Túsinik
Maqsaty: Lepti sóılem týraly túsinik berý
Sóılem – Habarly sóılem, Suraýly sóılem
Beıbitshilik jasasyn!
Kóılegim qandaı ádemi!
Otan súıer ulan bol!
Júırik tulparym bolsa ǵoı!
Sóılemderdi mánerlep, daýys mánerin keltirip oqý. Oqýshylarǵa osy sóılemderge qatysty suraqtar qoıý arqyly ereje shyǵarý.
1. Ár sóılem qalaı oqyldy?
2. Sóılemdegi oı qandaı kóńil - kúıde aıtylyp tur?
Adamnyń kóńil - kúıin, sezimin bildiretin sóılemdi lepti sóılem deımiz.
Lepti sóılem kóterińki daýyspen aıtylady.
Lepti sóılemniń sońyna lep belgisi (!) qoıylady.

Oıyn «Sáıkestendir»
Ókiný - Qap, baqshanyń esigin jaýyp qoımaǵanym - aı!
Armandaý - Shirkin, aıǵa samǵap ushsam ǵoı!
Buıryq - Qane, kúndeligińdi bershi!
Urandatý - Súıikti meniń Qazaqstanym jasasyn!

Qoldaný
Maqsaty: Lepti sóılem týraly bilimderin naqtylaı túsý
Oqýlyqpen jumys.
1. Kórkem jazý
2. Jattyǵý jumystaryn oryndaý.
Sergitý sáti. Áýenge saı qımylmen bıleý.

Taldaý
Maqsaty: Berilgen sózderden lepti sóılem qura bilý daǵdysyn jetildirý
Tapsyrma: Orny aýystyrylyp berilgen sózderden sóılem qurap jaz
1. Biz, alaqaı, jeńdik
2. Beker, renjittim – aý, qap

Jınaqtaý Maqsaty: Lepti sóılem týraly bilimderin qorytý, bekitý
Test suraqtaryna jaýap berý. Ózin - ózi baǵalaý
Test
1. Sóılemdi belgile.
A) Kitap, muz.
Á) R, sh, u, y, q.
B) Myna taý qandaı bıik!
2. Myna sóılemniń sońyna qandaı tynys belgisi qoıylady?
Alaqaı, aǵam keldi
A) suraý belgi
Á) lep belgi
B) núkte
3. Aıaqtalǵan oıdy bildiretin ne?
A) mátin
Á) sóılem
B) sóz
4. Jaýap alý maqsatymen aıtylǵan sóılemdi qandaı sóılem deımiz?
A) Suraýly sóılem
Á) Lepti sóılem
B) Habarly sóılem
5. Lepti sóılemniń sońyna qandaı tynys belgisi qoıylady?
A) núkte
Á) suraý belgi
B) lep belgi

İİİ. Sabaqty qorytyndylaý. Lepti sóılemniń ózindik belgileri:
- Adamnyń kóńil - kúıin, sezimin (qýaný, renjý, ókiný, uran t. b.) bildiredi;
- Lepti sóılem únemi kóterińki daýyspen aıtylady;
- Lepti sóılemniń sońyna lep belgisi (!) qoıylady.

İV. Sabaqty bekitý Sabaq barysynda ár oqýshy qoldanatyn sabaq kartasy:
V. Úıge tapsyrma. Suraýly sóılemder quraý. Erejeler jattaý.
Baǵalaý