InfoHub Logo

Chempıondar lıgasynyń jartylaı fınaldary aıaqtalǵannan keıin, Opta Analyst sýperkompúteri týrnırdiń favorıtin anyqtady. Boljam boıynsha, fınalda londondyq «Arsenal» men Parıj Sen-Jermen (PSJ) komandalary kezdesedi.

Sýperkompúterdiń esepteýinshe, aǵylshyn klýbynyń jeńiske jetý múmkindigi týrnırdiń qazirgi ıesinen sál joǵary.

Anyqtama: Opta Analyst modeli komandalardyń týrnırde ártúrli oryndardy (mysaly, chempıon ataný nemese týrnırden shyǵyp qalý) ıelený yqtımaldyǵyn esepteıdi. Ol úshin ár oıynnyń nátıjesin statısıka, býkmekerlik koefısıentter jáne komandalardyń kúsh reıtıńi negizinde baǵalap, myńdaǵan ret oıyndy modeldeıdi. Osy sımýlásıalardyń qorytyndysy boıynsha jalpy boljam jasalady.

«Arsenal» men PSJ-nyń Chempıondar lıgasynyń fınalyndaǵy múmkindikteri

Esterińizge sala keteıik, jartylaı fınalda londondyq «Arsenal» eki oıyn qorytyndysy boıynsha madrıdtik «Atletıkony» jeńdi. Birinshi oıyn 1:1 esebimen aıaqtalsa, jaýapty kezdesýde londondyq klýb 1:0 esebimen basym túsip, fınalǵa shyqty.

Al «Parı Sen-Jermen» múnhendik «Bavarıamen» kezdesti. Birinshi oıynda parıjdik komanda 5:4 esebimen jeńiske jetse, jaýapty machta 1:1 esebimen teń oınady.

CHL fınaly qashan ótedi?

Chempıondar lıgasynyń fınaly 30 mamyrda Qazaqstan ýaqytymen 21:00-de Býdapeshttegi (Vengrıa) «Pýshkash Arenada» ótedi.

«Arsenal» tarıhynda alǵash ret trofeıdi jeńip alýy múmkin, al PSJ qatarynan ekinshi ret LCH kýbogyn alýǵa talasady.