Sırıadaǵy QazUÝ-niń fılıaly ashyldy
Qazaqstandyq jetekshi bilim ordasy ál-Farabı atyndaǵy Qazaq ulttyq ýnıversıteti Sırıa astanasy Damask qalasynan fılıalyn ashady. Bul bastama Almatyda Ábý Nasyr ál-Farabıdiń 1150 jyldyǵy merekesin atap ótý saltanatynyń bastaý alýy barysynda aıtyldy.
Mereıtoılyq jyldyń resmı rásiminiń ashylýynda sóz alǵan QR Memlekettik hatshysy Q. Kósherbaev uly oıshyldyń 1150 jyldyq mereıtoıyn atap ótý aıasynda aýqymdy sharalar tek el kóleminde ǵana emes, shetelderde de josparlanǵanyn, sonyń ishinde Qazaqstannyń Damask qalasyndaǵy tarıhı-mádenı ortalyǵy bazasynda QazUÝ fılıalyn ashý qarastyrylǵanyn jetkizdi.
Bul bastama QazUÝ rektory akademık Ǵalym Mutanovtyń ál-Farabı jylynyń saltanatty ashylýyna kelgen Damask Ýnıversıtetiniń prezıdenti profesor Mohammed Maher Kabakıbımen kezdesýinde talqylandy
«Biz bul ıdeıany tolyqtaı qoldaımyz jáne fılıaldyń qurylýyna, alǵa jyljýyna kómek beremiz. Bul halyqaralyq koloborasıa úshin jaqsy úlgi bolady, Qazaqstan men Sırıa ǵylymı-bilim berý salalarynda ekijaqty qarym-qatynasyn nyǵaıtyp, ál-Farabı muralaryna tereńnen zertteý júrgizýdi arttyrady», - dedi Damask Ýnıversıtetiniń rektory.
S. DÁDİKBAEV
ál-Farabı atyndaǵy QazUÝ-dyń 2 kýrs magıstranty
Q. QARAJAN
ál-Farabı atyndaǵy QazUÝ-dyń profesory
You Might Also Like
-
Juqa aýdan ákimine baryp ózin qazylyqqa taǵaıyndaýyn ótinipti. Qazylyq oryn bolmaǵandyqtan ákim oǵan óziniń dilgirligin bildiripti. Sońynda úmitin úzgen Juqa:
-
Ál-Farabı atyndaǵy QazUÝ-niń Tarıh, arheologıa jáne etnologıa fakúltetiniń 2-kýrs magıstranttary Germanıa respýblıkasy, Túbıńen qalasyndaǵy Túbıńen ýnıversıtetinde jasaǵan ǵ...
