InfoHub Logo

Tabıǵat qubylystar týraly jumbaqtar

Sýda muz bar,
Jerde qar bar
Boran bop soǵady
Bul qaı kezde bolady?
(qys)

Qar muz erip, sý kóbeıip
Saı salaǵa tolady,
Búrshik jaryp, jaryq ashyp
Gúl báısheshek basady
(kóktem)

Kún ysyp,
Jemis - jıdek pisip,
El pishenin orady,
Bul qaı kezde bolady?
(Jaz)

Jaýyp jańbyr,
Jer sabyr,
Shóp, japyraq solady
Bul qaı kezde bolady?
(Kúz)

Aq tústi,
Kók tústi,
Ot tústi,
Tot tústi -
Tórt tústi jer ústi.
(qys, kóktem, jaz, kúz)

Qoly joq sýret salady,
Tisi joq tistep alady.
(aıaz)

Úı ústinde altyn tas,
Alaıyn desem tabylmas.
(juldyz)

Shelek qalpaq basynda,
Sábiz eken tanaýy.
Qysta qardan týatyn,
Taýyp kórshi, sen ony.
(aqqala)

Jylt - jylt etedi,
Jylǵadan etedi
(sý)

Kózińe kórinbeıdi,
Qańǵýǵa erinbeıdi.
Shalǵyndy japyrady,
Jol boıyn sypyrady.
(jel)

Tańmen kózin ashady,
Álemge nuryn shashady.
(kún)

Aspan tústes suıyq,
Árkim isher quıyp.
(Sý)

Aǵaıyndy bári:
Shyqsa - kók, Tússe - sary.
(japyraqtar)

Bir aqsaqal jylyna
Bir - aq ret keledi.
Kóp qyzy men ulyna
Syılyq ákep beredi.
(Aıaz ata)

Qysta jerdi jaýyp ketti,
Al kóktemde aǵyp ketti.
(Qar)

Kókke qarap nazdana
Qolyn sozar kúnimen.
Kúz,
Qys,
Kóktem,
Jazda da
Ózgermes bir túrinen.
(Shyrsha)

Jasyl ıne kıimim,
Jaılaımyn taý bıigin.
Jańa jyldy toılasań,
Tórińdemin úıińniń.
(Shyrsha)

Terezeni órnektep,
Ádemi sýret salypty.
Kim ekenin tabaıyq,
Kórinbeı ketip qalypty.
(Aıaz)

Qys túsip, qar jaýsa, kileń
Dala kezip tynshymaıdy.
Kórinbeıtin saýsaǵymen
Betti aıamaı shymshylaıdy.
(Aıaz)

Bet - aýzyńnan súıedi,
Erni sýyq tıedi.
(Aıaz)

Bir kisiniń on eki balasy bar,
İshterinde aq, sary, qarasy bar.
Ár balasy saparǵa shyqqan saıyn,
Otyz shaqty serigin ala shyǵar.
(Jyl men on eki aı)

Terezege qonady,
Ásem oıý oıady.
(Qyraý)

Tiken, tiken tik piste.
Qysy jazy bip túste
(Shyrsha)

Aınalyp júrip shyrshany,
Barlyq adam án saldy.
Barlyǵy da shattanyp,
Qaı mezgildi qarsy aldy?
(Qys)

Qysta ǵana bolady,
Ustasań qolyń tońady.
(Qar)

Appaq etip aınalany,
Aq kóbelek aınalady.
(Japalaqtap jaýǵan qar)

Qol sozsań, aq kúmis
Alaqanǵa tolady.
Ashyp - jumsań, iz - tússiz
Lezde joq bolady?
(Qar)

Bir halyq aspanda ushqan, aıaǵy joq,
Ustaǵan qoldarynda taıaǵy joq.
Kúnine talaı jerge keter kezip,
Nárseniń bul sekildi saıaǵy joq.
(Bult)

Kózge ilinbeıdi,
Jutsań bilinbeıdi.
(Aýa)

Qoly joq, sýret salady,
Tisi joq, tistep alady.
(Aıaz)

Shym - shytyr,
Shıdaı qotyr.
(Juldyzdar)

Qanaty joq, ushady,
Aıaǵy joq, jetedi.
Aýzy joq, ulıdy.
(Boran)

At shaptyrym aýmaǵy,
Baıqalmaıdy salmaǵy.
Myń kesseń de ol meıli,
Júredi, ushyp ólmeıdi.
(Bult)

Qarańǵyda jymyńdaıdy, janady,
Jaryq tússe, birden sónip qalady.
(Juldyz)

Aıaqsyz jetip barady,
Qolsyz esik qaǵady.
(Jel)

Arystan arqyrady,
Orman jarqyrady.
(Naızaǵaı)

Qýyp edim - moınyn burmady,
Ustaıyn dep edim - qolǵa turmady.
(Boran)

Qanaty joq – ushady,
Aıaǵy joq – qashady. (Jel)

Áýeden kúbi tústi,
Kúbiniń túbi tústi.
(Kún kúrkireýi)

Qonaqtap kúnde qonar sý betine,
Súısiner barlyq adam kelbetine.
Tulǵasy sý ishinde kórinedi,
Tańyrqap qarap tursam sýretine.
(aı)

Dúnıede bir qarbyz bar solmaıtuǵyn,
Jaz shirip, qysta úsip tońbaıtuǵyn.
Jahannyń jerin, sýyn, jándikterin,
İshi keń bárin salsa tolmaıtuǵyn.
(Kók, aspan)

Teń, teń, teń kıiz,
Eki ortasy keń kıiz.
(Aspan, jer)
Kók jıekti shaı tabaqta,
Altyn alma terbeledi.
Keıde búrker alma júzin,
Ulpa maqta perdeler.
(Kún)

Sataıyn desem aýyr kilem,
Satpaıyn desem táýir kilem (Jer)
Tańmen kózin ashady,
Álemge nur shashady.
(Kún)

Qysta ǵana bolady,
Ustasan qolyn tońady.
(Qar)

Gúl - gúl jaınap jer, aspan,
Gúrildeıdi saıda ózen.
Gúljazıra jarasqan
Gúlderimen qaı kezen?
(Kóktem)

Syryldatady sháınegin,
Unatpasa da jurt, meıli.
Terezemizdiń áınegin
Jýady,
Biraq súrtpeıdi.
(Jańbyr)

Japyraqty boıady,
Atyrapty boıady.
Boıap - boıap barlyǵyn
Sap - sary ǵyp qoıady.
(Kúz)

Qozǵalyp júrer jortaq sham,
Barlyǵymyzǵa ortaq sham. (Kún)

Aq kóbelek qondy,
Qustar endi tondy. (Qar)

Kıiz úıimniń tóbesi
Túbitke toly. O nesi? (Bulttar)

Tóbesinde dalanyń, tóbesinde qalanyń
Aıaǵy joq – júredi,
Ezýi joq – kúledi. (Kún)

Shymyldyq ishinde qap - qara
Uıyqtap jat, dala, jat, qala. (Tún)

Kókten túsedi,
Jer ishedi. (Jańbyr)

Túndegi kóp shyraqty jaǵyp ketken
Kim kelip tań aldyna alyp ketken? (Juldyzdar)

Dámi de joq, túsi joq,
Paıdalanbas kisi joq. (Sý)

Monshaǵym kóktiń,
Testim túbin shóptiń. (Tamshy)

Kóz jasyn tógip eljirep,
Júredi kókte kólbirep,
Jel qýsa keter seldirep. (Bult)
Mektep jasyna deıingi balalarǵa arnalǵan jumbaqtar toptamasy