InfoHub Logo

Taqyryby: Tabıǵatqa saıahat.
Maqsaty: Balalardy qorshaǵan álemdi sezinýge jáne tanýǵa degen qyzyǵýshylyǵyn arttyrý.
Janýarlar álemi týraly dúnıe tanymyn keńeıtý.
Balalarǵa kókónister men jemis - jıdekterdiń adam densaýlyǵyna tıgizetin paıdasy jaıly túsindirý.
Týǵan jerdiń tabıǵatyn aıalap qorǵaýǵa, adamgershilikke, qamqorlyqqa tárbıeleý.

Sabaqtyń barysy: Qane balalar sálemdesip alaıyqshy;
Tabıǵat bizdiń anamyz,
Iilip sálem beremiz.
Biz kishkentaı balamyz,
Ósip - ónip tolamyz.
Kúnge qaraı talpynyp,
Kúnge qanat qaǵamyz.
Qaıyrly kún, balalar,
Qaıyrly kún, qonaqtar.
Balalar óleń joldardy qımyl - qozǵalysyn jatqa aıtady.

Kirispe. Suraq – jaýap:
Tárbıeshi: Balalar qazir jyldyń kaı mezgili?
Balalar: Kúz mezgili.
Tárbıeshi: Kúz aıynda neshe aı bar, olar qalaı atalady?
Balalar: 3 aı, qyrkúıek, qazan, qarasha.
Tárbıeshi: Kúz aılarynda qandaı eńbek etedi?
Balalar: Egin pisip, egin jınaıdy.
Balalar, meniń aıtqanymdy muqıat tyńdap alyńdar. Biz búgin «Aınaladaǵy ǵajaıyp álemge» saıahatqa shyǵamyz. Biraq «Aınaladaǵy ǵajaıyp álemge» tek qana aqyldy, bilimdi balalar bara alady. Bizdiń aldymyzdan kedergiler kezdesedi, tapsyrmalardy oryndaý arqyly ǵana, olardan óte alamyz. Qoryqpaısyńdar ma? Baramyz ba?
«Aınaladaǵy ǵajaıyp álem»
Balalar, bizdiń aldymyzda jemister baǵy bar. Jemister baǵynan qalaı ótemiz? Baqtan ótý úshin myna tapsyrmalardy oryndaý kerek.
Oıyn: Suraq - jaýap: Balalar, qarańdarshy, aldymyzda ne paıda boldy? Baq! Baqta qandaı jemister ósip tur?
Balalar: Alma, órik, almurt, júzim.
Jemister týraly qandaı taqpaq bilesińder? Balalar qarańdarshy, baq bizge tapsyrma berip tur, tapsyrmany oryndamasaq bizdi ǵajaıyp álemge ótkizbeıdi. Tapsyrmany oryndaıtyn: Nurıslam:
Alma, alma deısiń,
Alma ákelsem, jeısiń.
Aıtpady eken deme,
Almany jýmaı jeme.

Tabıǵatqa saıahat. júkteý