Taıaý Shyǵysta shıelenis: Túrkıa ásker kirgizgen sátte Izraıl Homsty bombalady
Taıaý Shyǵystaǵy jaǵdaı taǵy da ýshyǵa tústi. Túrkıa áskeri Sırıa aýmaǵyna kirip jatyr degen aqparat tarap jatqanda, Izraıl áýe kúshteri Homs provınsıasyndaǵy T-4 áskerı áýe bazasyna soqqy jasady.
Jergilikti BAQ málimetinshe, shabýyl jasalǵan aımaqqa túrik áskerı bólimderi jetip úlgergen. Qazirgi ýaqytta bul áreketterdiń arasynda qandaı baılanys bar ekeni belgisiz. Alaıda sarapshylar Túrkıa men Izraıldiń Sırıadaǵy múddeleri ártúrli ekenin aıtady.
Túrkıa óz shekarasyna jaqyn ornalasqan kúrd jasaqtaryna qarsy áskerı operasıalar júrgizýdi kózdese, Izraıl Iranmen baılanysty nysandardy nysanaǵa alyp otyr. T-4 bazasy buǵan deıin de Izraıl shabýyldarynyń nysanasyna aınalǵan bolatyn.
Sırıa bıligi ázirge resmı málimdeme jasaǵan joq. Al Túrkıa tarapy áskerı operasıalary jaıly tolyq aqparat bermeı otyr. Taıaý Shyǵystaǵy jaǵdaıdyń qalaı órbıtini belgisiz, alaıda sarapshylar bul teketires aımaqtaǵy jańa shıeleniske ulasýy múmkin ekenin joqqa shyǵarmaıdy.
You Might Also Like
-
Mánmadaǵy joıqyn jer silkinisi: qaza tapqandar sany 1700-den asty,-dep habarlaıdy Infohub.kz.
-
Ulttyq ekonomıka mınıstri Serik Jumanǵarın sán-saltanat salyǵyn engizý máselesi tóńireginde pikir bildirdi. Onyń aıtýynsha, bul bastamany júzege asyrý úshin aldymen sán-saltanattyń naqty anyqtamasyn ...
