InfoHub Logo

Qazaqstandyq saıahatshylarǵa tanymal kýrorttarda qonaqúıge tirkelý erejeleri ózgergenin eskerý qajet. Keıbir elderde tirkelý prosesi jeńildetilse, keıbirinde jeke derekterdi saqtaý talaptary kúsheıtildi.

Bul týraly Infohub.kz aqparat agenttigi habarlaıdy.

Dýbaı

Dýbaıdyń týrızm jáne ekonomıka departamenti málimdegendeı, endi qaladaǵy barlyq qonaqúılerde baılanyssyz tirkelý múmkindigi bar. Bul júıe bıometrıalyq jáne sıfrlyq tehnologıalarǵa negizdelgen.

"Bul qyzmettiń engizilýi Dýbaıdyń ınovasıalyq sheshimderdi engizýge jáne kelýshilerdiń saıahatyn jeńildetýge degen umtylysyn kórsetedi", — dep habarlady jergilikti úkimet.

Túrkıa

Túrkıanyń jeke derekterdi qorǵaý keńesi 2025 jyldyń jeltoqsanynan bastap týrıserden pasport kóshirmelerin talap etýdi toqtatty. Endi tek qujatty kórsetý jetkilikti, barlyq derekter avtomatty túrde elektrondy júıege engiziledi.

Ispanıa

Ispanıada 2025 jyldan bastap qonaqúıler men apartamentter qonaqtardyń pasporttary men ID-kartalarynyń kóshirmelerin saqtaýǵa tyıym salyndy. Tek qujattyń túpnusqasyn kórsetý qajet.

Reseı

2026 jyldyń 1 naýryzynan bastap Reseıde qonaqúı qyzmetterin kórsetý erejeleri jańartylady. Endi qonaqúıge júrgizýshi kýáligimen tirkelýge bolady, al brondy zaezd aldyndaǵy kúnge deıin aıyppulsyz joıýǵa múmkindik bar.

Saıahatshylarǵa ár eldiń tirkelý erejelerin aldyn ala bilip alý mańyzdy, bul demalysta ýaqytty únemdeýge kómektesedi.