InfoHub Logo

Árqaısymyz óz úıimizdi jaqsy kóremiz. Degenmen artyq jıhaz, jıǵan-tergen zattar, buıymdar men kıim-keshek onsyz da tar bólmeni odan saıyn taryltady. Bilim-all.kz bólme aýdanyn biraz keńeıtý úshin ıntererdi úılestirý kezinde nendeı qýlyqtardy eskerý kerek ekenin aıtady.

Beti aınamen qaptalǵan jıhaz

^{mebelvs / susandianaharris}

Shkaf-kýpege kiriktirilgen aınalar bólmege tereńdik berip, ony jarqyn ári keń etedi. Eń bastysy, asyra siltep, kóp aına ornalastyrýdyń qajeti joq, áıtpese bólmeńiz bı alańyna aınalyp ketýi múmkin.

 

Qabyrǵalardyń ashyq túsi

^{foto-remonta / penza.online-interiors}

Qoshqyl jyly tústi túsqaǵazdar men boıaýlar bir qaraǵanda bólmeni jaıly etip kórsetedi, alaıda shyn máninde olar qundy keńistikti urlaıdy. Mundaı túspen bólmeleri kóp, keń úı ıeleri boıaı alady. Eger sizdiń úıińiz ondaı bolmasa, ashyq kók, ashyq sur, aq tústerdi tańdańyz.

 

Áınek jıhaz

^{meb-mig / neo-furniture}

Áınek jıhaz – ǵajaıyp qural: ol bir jaǵynan bar sıaqty, bir jaǵynan joq sıaqty. Bul ásirese kishkentaı bólmeler nemese tar as úıge óte yńǵaıly. Áınekten jasalǵan quraldar ıntererdi jeńil ári salmaqsyz etedi. Al sapasy men fýnksıonaldylyǵy jaǵynan zor aǵash jıhazdarynan kem emes.

 

Jazylmaly dıvan

^{psdesigno / decoactual}

Jumsaq tósekte demalǵysy kelmeıtin adam joq shyǵar. Biraq úıi tar adamdar mundaı astamdyqqa bara almaıdy. Alaıda kóńil túsirýdiń qajeti joq – jaıylmaly dıvan dáý tósektiń ornyn basa alady. Bul ǵajaıyp zat keńistikti bosatyp qana qoımaı, jatyp demalýǵa da óte yńǵaıly.

 

Jeńil materıaldardan perdeler

^{syndyk / vdomax}

Bólme keńirek kórinýi úshin bólmege kún sáýlesi kedergisiz túskeni abzal. Sol sebepti ashyq tústi jeńil matalardan tigilgen perdeler paıdalanǵan jón. Al qoshqyl barqyt shymyldyqtar jaıly umytý kerek.

 

Jaryqtandyrý

^{fotodekora / nohomedesign}

Jasandy jaryqtandyrý da bólme keńistigin keńeıtýde mańyzdy ról atqarady. Munda erejeler qarapaıym: jarqyraǵan jaryq barynsha kóbirek túsýi kerek. Aspashamdar, sánsáýle, bra – barlyǵy iske jaramdy. Eń bastysy, olar bólmeniń jalpy stılimen úılesýi tıis. Sonymen qatar tóbeni aınaldyra jaryqtandyrý da tamasha sheshim bolar edi.

 

Barynsha artyq bólshekterdi azaıtý

^{housesdesign / interiordesignforhouses}

Ár úıde iske jaramsyz kádesyılar, vazalar, buryn oqylǵan jýrnaldar men ózge de zattar bos oryndy alyp turady. Qajet emes zattardan qutylý arqyly siz jáne qonaq bólmeńiz keń tynystap qalasyz.

 

Shkaftar

^{fasonmebel / design96}

Eger kádesyılar men usaq-túıek buıymshalardy tastaýǵa qımasańyz, olardy tyǵyp qoıýǵa bolady. Túsi men túri aınaladaǵy ınterermen ádemi úılesetin shkaf bólmeni bezendirip qana qoımaı, ony barynsha ashyq jáne keń etedi. Al sizge qymbat zattar árdaıym qol jetimdi jerde ári kópshiliktiń nazarynan tys bolady.

 

Fototúsqaǵazdar

^{ideaonline / rekvartal}

«Fototúsqaǵazdar — bul ótken ǵasyr» dep esepteıtinder bar. Shyn máninde olaı emes. Saýatty tańdalǵan sýret bólmeniń kórkin ashyp qana qoımaı, syrt kózge bólmeniń aýdanyn keńeıtedi. Nazar aýdaryńyz: oılaǵanyńyz iske asýy úshin fototúsqaǵazdar kórinisti ashýy kerek jáne bólmeniń ortańǵy elementinen tysqary ornalasýy kerek. Osyndaı dızaınerlik tapqyrlyqtyń arqasynda jatyn bólmeńizde qaraǵaı ormanyn «jaıqaltyp», parıjdik kósheni «turǵyzýǵa» bolady.

 

Kópdeńgeıli tóbeler

^{homedesigns / stroystory}

Bólmeńizdiń tóbesi tóbeńizden basyp turǵanyn qalamasańyz, ony qaıta quryńyz. Birneshe deńgeı qosý arqyly tóbeni syrt kózge birneshe metrge kóterýge bolady. Al bólmege erekshelik berý úshin qoshqyl, ashyq nemese aq tústerdi úılestirip, tóbeni ártúrli tústermen árleńiz, sonymen qatar erekshe pishindi shamshyraqtar paıdalanyńyz.

 

Shaǵyn jıhaz

^{kijashi / abledesign}

Bir bólmeli páterdegi saltanatty velúr dıvandar men altyn venzeldi kreslolardyń dáýreni ótti. Biraq keıbireýler áli kúnge deıin zor jıhazdardy tórt qabyrǵaǵa sıdyrýǵa tyrysyp qatty qatelesedi. Eger úıge jıi qonaq keletin bolsa, birneshe úlken dıvandardy bir burysh dıvanǵa almastyryńyz. Sonda bárine oryn jetedi, keńistik te tarylmaıdy.

 

Qabyrǵadaǵy kartına

^{sklarfurnishings / designlinesltd}

Birneshe ólshemdi qabyrǵadaǵy sansyz kartınalar bólmede yǵy-jyǵy kórinedi, adamdardyń kóńilin bóledi jáne bólmeniń aýdanyn taryltady. Odansha bireýin, biraq eń ádemisin tańdańyz. Qonaq bólmeni kórkem jáne iri sýretpen bezendirý arqyly siz onyń ereksheligin aıqyndap, bólmeńizdi bos ári keń etesiz.

---