tengrinews.kz
Tarazda 13 jasar qyzdy urlamaq bolǵan er adamdar ustaldy
Taraz qalasynda belgisiz er adamdar 13 jasar qyzdy kólikke kúshtep mingizip, alyp ketpek bolǵan. Bul oqıǵa 16 aqpan kúni kúndiz, qoǵamdyq kólik aıaldamasynyń janynda bolǵan.
Bul týraly Infohub.kz aqparat agenttigi habarlaıdy.
Oqıǵanyń vıdeosy Instagram jelisindegi taraz_life paraqshasynda jarıalandy. Jeli qoldanýshylarynyń aıtýynsha, aıaldamada turǵan er adamnyń aralasýymen qyzdy alyp ketý áreketi toqtatylǵan.
Vıdeony qyzdyń ákesi beınebaqylaý kameralarynan alǵan. Ol qyzymen habarlasyp, bolǵan jaıtty anyqtaǵan. Qyzdyń sózinshe, er adamdardyń biriniń basynda aq tústi bas kıim bolǵan.
Polısıanyń áreketi
Taraz qalalyq polısıasy qyzdy urlamaq bolǵan kúdiktilerdi dereý ustaǵanyn habarlady.
«Polısıaǵa eki beıtanys azamattyń aıaldamada turǵan qyzdy kólikke salyp alyp ketpek bolǵany týraly habarlama kelip tústi. Bul derek boıynsha sotqa deıingi tergeý bastaldy. Oqıǵa ornyna polısıa qyzmetkerleri dereý shyqty.
Kúdiktiler ustalyp, ýaqytsha ustaý ızolátoryna qamaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr», - delingen habarlamada.
Polısıa balalardyń qaýipsizdigine jasalǵan kez kelgen árekettiń erekshe baqylaýda bolatynyn jáne qoldanystaǵy zańnama aıasynda qatań túrde joıylatynyn atap ótti.
-
Qazaqstandyq mánerlep syrǵanaýshy Mıhaıl Shaıdorov qysqy Olımpıada oıyndarynda altyn medal jeńip alǵannan keıin álemdik reıtıńte úzdik úsh sportshynyń qataryna qosyldy.
-
Authorities apprehended two men in Taraz who attempted to force a 13-year-old girl into a vehicle. The incident was captured on surveillance footage.
