Tasmaǵambetov: Bilim júıesiniń barlyq jelisi qaıta jańarýda
Bilim júıesiniń barlyq jelisi qaıta jańarýda. Bul týraly búgin 7-shi Azamattyq forýmda sóz sóılegen QR Premer-Mınıstrdiń orynbasary Imanǵalı Tasmaǵambetov aıtty.
Vıse-premer búgingi tańda Úkimet qolǵa alyp otyrǵan áleýmettik salanyń birneshe baǵytyn atap ótti jáne bilim berý júıesiniń erekshe mańyzdylyǵyna toqtaldy.
«Búgingi tańda osy salada jańǵyrtýdyń jańa kezeńi bastalýda. Naqtyraq aıtqanda, 2016 jyldan bastap 2019 jylǵa deıin orta bilim uıymdary júıesinde kezeń-kezeńimen oqytýdyń jańa mazmunyna kóshý josparlanǵan. Jańa oqýlyqtar, baǵdarlamalar men oqytý ádisteri mehanıkalyq oqytýdan fýnksıonaldyq saýattylyqqa baǵyttalady, ıaǵnı óz bilimi men daǵdylaryn logıkalyq qoldanýǵa úıretetin bolady», - dedi Imanǵalı Tasmaǵambetov.
UBT júıesin jetildirý bitirý emtıhandary men JOO túsý emtıhandaryn bólýdi qarastyrady. Bul bitirýshilerdiń tereń bilimin, bilimniń júıeliligi, tolyqtyǵy, taldaý, qorytý, jikteý múmkindikterin anyqtaıtyn daǵdylaryn tekserýge baǵyttalady.
Kásiptik jáne tehnıkalyq bilim berý salasynda mamandardy daıarlaýdyń dýaldy júıesine kóshý júzege asty. Bul 2017 jyldan bastap tegin jumysshy mamandyqtaryn oqytý barysynda teorıa men praktıka arasyndaǵy kemshilikti joıýǵa kómektesedi.
«Joǵary bilim berý salasynda JOO-nyń avtonomdylyqqa kóshýi jáne olardyń akademıalyq, qarjylyq táýelsizdigin keńeıtý júrgizilýde. Ózderińiz baıqap otyrǵandaı, barlyq bilim berý jelisi jańǵyrtylýda. Atalǵan jańa ózgeristerdi endirýde talqylaý, taldaý, naqtylaý prosesine sizderdi belsene qatysýǵa shaqyramyz», - dedi Premer-Mınıstrdiń orynbasary.
You Might Also Like
-
Jambyl oblysy, Qordaı aýdany Jambyl aýyly №26 Jambyl Jabaev atyndaǵy orta mektep 7 synyp oqýshysy: Dýzelbaeva Aıgýl Jetekshisi: Mýsırkegenova Aksholpan Jaksylykovna
-
Táýelsizdik - barlyq qazaqstandyqtar úshin asa qasıetti qundylyq.
