Tasmaǵambetov: Ǵylymdy damytýda bolashaqta odan qandaı qaıtarym bolatynyn bilý mańyzdy
Búgin Qazaqstan Respýblıkasy Premer-Mınıstriniń orynbasary Imanǵalı Tasmaǵambetovtiń tóraǵalyǵymen 2017-2020 jyldarǵa arnalǵan ǵylymdy damytýdyń basym baǵyttary jóninde keńes ótti.
Búgingi tańda barlyq memleketter adamzat qyzmetiniń strategıalyq mańyzdy salasy retinde ǵylymdy damytýǵa erekshe kóńil bóledi. Ol eldiń básekege qabilettiligi men ekonomıkalyq ósimin qamtamasyz etetin negizgi resýrs sanalady.
Eldiń ǵylymı áleýetin kóterý kóptegen faktorlarǵa baılanysty, onyń ishinde ǵylymı-tehnıkalyq qyzmetti komersıalandyrý da bar. Bul úrdisti retteıtin qujattardyń biri - «Ǵylymı jáne (nemese) ǵylymı-tehnıkalyq qyzmet nátıjelerin komersıalandyrý týraly» Qazaqstan Respýblıkasynyń Zańy. Onyń aıasynda údemeli jáne komersıalyq tıimdi jobalar júzege asyrylýda.
«Biz qansha jobany júzege asyramyz, neni qarjylandyramyz, ol qansha ýaqytqa sozylady. Munyń barlyǵyn naqty ári anyq túsinýimiz qajet. Eń bastysy, odan qandaı qaıtarym bolatynyn bilýimiz tıis», - dedi keńeste Imanǵalı Tasmaǵambetov.
Qarjylandyrý kólemi, zertteýdiń nátıjeliligi jáne ony iske asyrý qarjylandyrý mehanızmi men baqylaýǵa táýeldi. Sonymen qatar, ǵalym bir mezette ǵylymmen jáne onyń nátıjelerin ónidirske engizýmen sátti aınalysa almaıdy. Bul úshin quzyrly qurylymdar men mamandar tartylýy kerek. Sondaı-aq, ǵylymı zertteýlerdi óndiriske engizýdi synaý úshin óndiristik-tájirıbelik baza qurýdy qarastyrý mańyzdy.
«Sońǵy 20 jylda álemde bizdiń tehnologıalardy komersıalaýǵa jeke ınvestorlar 370 mıllıon dollar qarjy saldy. Qazirgi ýaqytta qazaqstandyq tehnologıa boıynsha zavod qurylysyn salýǵa 3,5 mlrd dollar bólindi. Jyl saıyn 4 mıllıard dollardy quraıtyn taza metal shyǵarylady. Onyń úshten bir bóligi Qazaqstanda, qalǵany shetelde óndiriledi», - dep atap ótti «Qazaqstan Respýblıkasynyń mıneraldy shıkizatty keshendi uqsatý jónindegi ulttyq ortalyǵy» RMK bas dırektory Ábdirasyl Jarmenov.
Qazaqstannyń ǵalymdary men ǵylymı mekemeleriniń ǵylym ındýstrıasynyń negizi bolýdaǵy áleýetke joǵary. Bul úshin ǵylym men óndiris arasynda tyǵyz baılanys ornatylyp, ekonomıkanyń naqty sektory ǵylymı mindetterdi aıqyndap otyrýy tıis.
You Might Also Like
-
Memleket basshysy Nazarbaev Ýnıversıtetiniń medısına mektebinde boldy, dep habarlaıdy Aqordanyń baspasóz qyzmeti.
-
Batys Qazaqstan oblysy ákimdigi bilim basqarmasy Kaztalov aýdanynyń «Psıhologıalyq-pedagogıkalyq túzeý kabıneti» «Psıhologıalyq-pedagogıkalyq túzeý kabınetiniń» Tárbıelen...
