InfoHub Logo

Tastanbekov Quman Nurmaǵanuly (10 naýryzda 1945 jyly, Qazaq KSR Almaty oblysy Sarqant aýdany, Ekiasha aýyly — 17 jeltoqsanda 2017 jyly Qazaqstan Almaty) — kıno jáne teatr akteri, Qazaqstannyń halyq ártisi. 1969 jyly Almaty óner ınstıtýtynyń (qazirgi Qazaq ulttyq konservatorıasy) akterlik fakúltetin bitirgen soń Qazaq akademıalyq drama teatrynyń quramyna qabyldandy.

Onyń alǵash oınaǵan róli — «Qyz Jibek» fılmindegi Tólegen. Budan keıingi kınodaǵy rólderi: Muhamedov («Qys — mazasyz maýsym», ), Ǵanı («Aǵam meniń»), Baqyt («Erekshe kún»), Semeteı («Aqqýlar ushyp keledi»), Nurbek («Mahabbat jańǵyryǵy»), Sáken («Aǵama arnalǵan qalyńdyk»), Murat («Qarasha qazdar qaıtqanda»), Erkin («Provınsıalyq hıkaıa»), Bolat («Órnek), t.b. Sezim shynaıylyǵy, psıhologıalyq boıaýǵa den qoıý — onyń akterlik ónerine tán qasıet. Ol teatr sahnasynda Qasym, Qulbek (Sh. Aıtmatovtyń «Ana — Jer-anasy» men «Aq kemesi» boıynsha), Álibek, Narsha, Abyz (M.Áýezovtyń «Aıman — Sholpan», «Qaragóz» jáne «Eńlik — Kebegi» boıynsha), Táńirbergen (Á.Nurpeıisovtiń «Qan men teri» boıynsha), Jan (O.Bókeevtiń «Qulynym menińinde»,) t.b. sekildi ár alýan rólderdi somdap, qyzǵylyqty minez-keıipter jasady. Ol — 1976 jyldan Qazaqstan Komsomol syılyǵynyń laýreaty. Parasat jáne Qurmet ordenderiniń ıegeri.

---