InfoHub Logo

Taýda ajal qushqan áıeldiń denesi kelesi kóktemge deıin bıikte qalatyn boldy

Reseılik álpınıs Natalá Nagovısynanyń denesi kem degende kóktemge deıin Qyrǵyzstandaǵy Jeńis shyńynda qalady. Ony qutqarý úshin jasalǵan úsh áreket te sátsiz aıaqtaldy, al qazir órmeleý maýsymy jabyldy, dep habarlaıdy Infohub.kz.

47 jastaǵy álpınıs áıel 12 tamyzda Jeńis shyńynan (7439 m) túsý kezinde aıaǵyn syndyryp alǵan. Joldasy kómekke ketken, al Natalá on kúnnen asa ýaqyt jeti myń metr bıikte shatyrda jalǵyz qalǵan.

Aldymen oǵan nemis alpınısi Gúnter Zıgmýnd pen ıtalıalyq Lýka Sınıgalá jetpek boldy. Olar tek áıeldi uıyqtaıtyn qapqa orap, azyq-túliktiń azyn ǵana qaldyra alǵan. Keıin Sınıgalá úsip, mı isinýinen qaıtys boldy.
Reseılik álpınıser men qutqarýshylar otyrǵan tikushaq qatty týrbýlentten Natalá jatqan shatyrǵa kóterile almady, áýe kóligin shuǵyl qondyrýǵa týra kelgen. Ekıpaj ben álpınıser zardap shekti, sonyń ishinde Vıtalıı Akımov, oǵan keıin jańa topty basqarý tapsyryldy. Biraq 6500 metrde onyń bel aýrýy asqynyp, top keri qaıtýǵa májbúr boldy.
19 tamyzda dron keıingi ret Natalány tiri kúıinde túsirgen. 23 tamyzǵa qaraı qutqarý jumystary tolyq toqtatyldy: qolaısyz aýa raıy, qarly boran men qar kóshkininiń qaýpi órleýdi múmkin etpedi.
Mash habarlaýynsha, izdestirý jumystary kelesi maýsymǵa, 2026 jyldyń kóktemine qaldyryldy.