InfoHub Logo

Maqsaty: Elimizdiń tarıhy týraly túsinik berý. Óz Otanyn súıýge tárbıeleý. Elimizdiń rámizderin qasterleýge úıretý. Týǵan elge degen súıispenshilikterin arttyrý. Óz ana tilin, ádet - ǵurpyn, salt - dástúrin saqtaýdy boıyna darytý. 1986 jyly jeltoqsanda el azattyǵy jolynda qurban bolǵan ul qyzdarymyzdyń erlikterin eske alý. Egemendiktiń mánin túsindirý. Búgingi táýelsizdikke qalaı qol jetkizgenin zerdeleý. Otanyn, elin, jerin, súıýge, qorǵaýǵa tárbıeleý.

Kórnekilikter: Qazaqstan Respýblıkasynyń rámizderi. Jeltoqsan qurbandary.

Tárbıeshi: Qurmetti ustazdar, ata - analar, balalar! Búgingi erteńgiligimizdiń dúnıeni dúr silkindirgen 1986 jyly bolǵan jeltoqsan oqıǵasyna arnalady.
«Elimniń erkindigi – Táýelsizdik» atty erteńgiligimizdi bastaımyz.

Amandasý.
Armysyz qaıyrymdy Aspan – ata!
Armysyz, meıirimdi Jer - ana!
Armysyz, shuǵylaly nurly kún!
Armysyz, balabaqsha, dos jaran!
Sálemetsizder me, qonaqtar men apaılar!

Tárbıeshi: Jeltoqsan áni
Áli esimde ar men namys pák máńgi,
Esh aıaýsyz aıaqasty taptaldy.
Saperlerdiń kúreginen soqqy jep,
Qyp - qyzyl qan boıap jatty aq qardy.

Júrekterge sher qatyp,
Muz - qar qonǵan - Jeltoqsan
Keýdedegi kúrsinis
Yzǵar bolǵan – Jeltoqsan
Ádilettik jolynda
Ulyń túgel halqym - aý
Qurbandyǵy qazaqtyń
Qyzyń bolǵan - Jeltoqsan!

Áli esimde sumdyǵy kóp sol alań,
Ótken kúnge ókinishpen oralam
Ozbyr kúshke qarsy turǵan qaımyqpaı,
Qaıran jastyq sen qashanda bol aman

Quldyq uryp kóne berseń yryqqa,
Jer betinen keter edik quryp ta
Qazaqpyn dep oılar bolsań aǵaıyn
Almatynyń jeltoqsanyń umytpa.

- Balalar, bizge táýelsizdik ońaı jolmen kelgen joq. 1986 jyly 16 jeltoqsanda úlken kóterilis boldy. Ol kóterilis qazaq halqyna keń baıtaq jerimizge, jan - jaqtan kóz tigýshiler az bolǵan joq. Oǵan Qazaqstannyń jas uldary men qyzdary shyqty. Óz tilin, óz mádenıetin damytam degen qazaqtarǵa múmkindik bermeı shaıqas bastaldy.
Sol jastardyń ishinde Qaırat Rysqulbekov, Erbol Spataev Sabıra Muhamedjanova, Lázzat Asanovalar boldy. Bular Otan úshin, Týǵan jer úshin, ana tilimiz úshin, senderdiń bolashaqtaryń úshin úlken erlikpen qaza tapty. Óz aldyna derbes, erkin memleket, eshkimge táýeldi bolmaı ishki,
syrtqy máselelerdi ózderiniń sheshe alatyn múmkindigi bolýdy táýelsiz memleket deımiz.
1991 jyly 16 jeltoqsanda Táýelsiz Qazaqstan Respýblıkasynyń Memleketi týraly zań qabyldandy.

Sherhan:
- Ánuranym - jan uranym,
Aıtar ánim - sóıler sózim,
Týǵan jerim - saǵynarym,
Máńgi baqı shyrqalady,
Respýblıka ánurany
/Ánuran oryndalady/
Dınara:
Namysymnyń shyraǵyndaı jeltoqsan,
Táýelsizdik pyraǵyndaı jeltoqsan
Tarıhymda iz qaldyryp, jańǵyryp,
Ańyz boldyń jyr – aǵyndaı jeltoqsan.
Jazıra:
Birlik túbi - bereke
Bereke túbi - mereke.
Egemendi el boldyq,
Táýelsizdikke endi endik.
Janerke:
Osyndaı erkindikti el tilesin,
Baqyt qusy baǵymyzǵa erkin kelsin
Al endi táýelsizdik qutty bolyp,
Kók baıraq máńgi - baqı jelbiresin!
Tárbıeshi:
1986 jyly jeltoqsan kóterilisinde elimizdiń erkindigi, azattyǵy úshin jandaryn qıǵan Qaırattaı erjúrek aǵalarymyzdyń óz kózimizben kórmesek te olardyń shyńdyq úshin kúreskenin aıanbaı kóz aldymyzǵa elestetemiz.
Tutqynǵa tústim jaýtańdaı,
Jolamaı eshkim qasyma
Bara qalsań sálem aıt,
Eldegi qurby – dosyma.
Kórinis:
Rasýl:
Tergeýshi:
- Sen 18 - i kúni saǵat 10 - da qaıda boldyń?
Imran: Qaırat:
- Joldastarymen birge Fýrmanov kóshesinde boldym.
Rasýl: Tergeýshi:
- Joq, sen ótirik aıtasyń, sen Satpaev kóshesinde mılısıonerdi urdyń! Sen kinálisiń, bilesiń be?
Imran: Qaırat:
- Joq, men eshkimdi kórgenim de joq, urǵanym da joq.
Rasýl: Tergeýshi:
- Aqymaq! Áketińder! Kózin qurtyńdar! Atyńdar!
Qaırat:
Kúnádan taza basym bar,
Jıyrma birde jasym bar,
Qasqaldaqtaı qanym bar
Boztorǵaıdaı janym bar,
Alam deseń alyńdar,
Qaırat degen atym bar,
Qazaq degen zatym bar.
«Erkek toqty - qurbandyq»,
Atam deseń atyńdar!

Tárbıeshi: - Iá, bul jazyqsyz qurban bolǵan qazaq
azamaty Qaırattyń sońǵy sózi edi. Eli úshin qurban bolǵan erjúrek aǵa - apalarymyzdy eske alyp bir mınýt turalyq.
Raýshan:
Jastyq jyryn jeltoqsanda samǵattym,
Bulbul qusym únin asqaq saırattyń,
Egemendi el bop aldyń búginde,
Rýhyna bas ıemin Qaırattyń.
Gúlim:
Qan tógildi qara jerge qanshama
Qaıǵyly jaı belgisi ǵoı barshańa.
Egemendi el bop aldyń búginde,
Qýanyshym meniń máńgi tarqama!
Madıar:
Táýelsizdik ońaılyqpen kelmeıdi,
Bizge buny eshkim aıap bermedi.
Táýelsizdik – Qaırat, Lázzat, Erboldyń
Tas kóshede tas - talqan bop ólgeni.
Án: «El qorǵaýǵa ázirmiz»
Tárbıeshi:
Egemendi el bolýdyń belgisi.
Basqa jurtpen teń juldyzy teń kúshi
«Egemendik» degen sózder estiler
Ata jurttyń arǵysy men bergisi.
M. Arýjan:
Týǵan jerge nur shashyp, jaryq bergen,
Qýanysh pen mol baqyt alyp kelgen
16 - shy jeltoqsan shýaq bolyp,
Táýelsizdik elime alyp kelgen.

Bı: «Qara jorǵa»
T:- Balalar, Qazaqstan qandaı el?
B:- Egemendi, Táýelsiz memleket.
T: Táýelsizdigimizdiń arqasynda ulttyq rámizder paıda boldy.
- Elimizdiń rámizderin kim atap beredi?
B: Tý, Eltańba, Ánuran.
T:- Elordamyz qalaı atalady?
B:- Astana qalasy.
T:- Qazaq elin kim basqarady?
B:- N. Nazarbaev
T:- Qazaqstanda qandaı ult ókilderi turady?
B:- Orys, nemis, qytaı, ózbek, sheshen. t/b.

Salamat:
Namysymnyń shyraǵy da – Táýelsizdik
Surqaı ómir synaǵy da - Táýelsizdik,
Jigittiktiń urpaǵy da – Táýelsizdik,
Jańa kúnniń shýaǵy da - Táýelsizdik

Merýet:
Táýelsizdik merekesi – el merekesi tasyǵan,
Qazaq degen qaıran jurt bárin keshti basynan.
Estisin el únińdi, dúnıe túgel estisin,
Kóter bıik táýelsizdik týyndy!

Nurbek:
Jastaı súıip ańsaǵan,
Tátti kúı men káýsar án.
Ol - bizdiń Qazaqstan.

Án: «Meniń Otanym»
Albına:
Kók baıraq ıilmesin jyǵylmasyn,
Kózge jas, keýdege óksik tyǵylmasyn
Turǵanda kókshil týyń kókti tirep,
Qazaǵym, sen qashanda tuǵyrdasyń
Án: «Baldyrǵandar»
Balalar bolashaqta qandaı azamat, azamatsha bolamyz?
Balalar hormen:
Elimizdi órkendetetin,
Qazaq tilin kórkemdetetin
Babalarǵa taǵzym etetin.
Analarǵa bas ıetin,
Balalardan bar jaqsylyǵyn aıamaıtyn
Týymen tuǵyrly,
Eltańbasymen eńseli.
Ánuranymen aıbatty.
Biz qazaq eliniń bolashaǵymyz.
Tárbıeshi:
Tarıhym jatyr tasyma
Til qatyp keler ǵasyrǵa
Azattyq deıtin uǵymnyń,
Jeltoqsan tur basynda.

Keshimiz ótip jatyr saltanatty,
Tógilgen kún nurynyń shapaǵaty
Halaıyq qattyraq qol soǵyńyzdar,
Ánshimiz bar bizdiń de, Janerke atty.
Án: «Egemendi el»
Osymen «Elimniń erkindigi - Táýelsizdik» atty erteńgiligimizdi aıaqtaımyz.
Barlyǵyńyzǵa Táýelsizdik merekesi qutty bolsyn.
Halqymyz aman bolsyn. Elimizde beıbitshilik bolsyn
- Kelesi kezdeskenshe saý - sálemette bolyńyzdar!
B:- Saý bolyńyzdar qonaqtar!