InfoHub Logo

Qazaqstan Respýblıkasy Táýelsizdiginiń 25 jyldyǵy merekesi qurmetine oraı «Táýelsiz Qazaqstan» poıyzy 2016 jylǵy 2 qarashada Qaraǵandy qalasynan  jolǵa shyqty. Qazaqstan halqy Assambleıasynyń uıymdastyrýymen ótetin respýblıkalyq aksıa maqsaty - el Táýelsizdigi jyldaryndaǵy  respýblıkanyń qol jetkizgen jetistikterin nasıhattaý, halyqtyń birligin nyǵaıtý, jurtshylyqtyń áleýmettik jáne quqyqtyq jaǵdaılaryna nazar aýdarý, el damýynyń bazalyq basymdyqtaryn kórsetý bolyp tabylady.

Syr elindegi saparda «Nur Otan» partıasynyń oblystyq fılıalynyń májilis zalynda quqyq qorǵaý organdarynyń ókilderimen  qoǵamdyq qabyldaý uıymdastyryldy. Bul týraly QazAqparat tilshisi habarlady.

«Táýelsiz Qazaqstan» poıyzynyń shtab  múshesi, "Nur Otan" partıasy qoǵamdyq  qabyldaýynyń  meńgerýshisi  Jumajan Júkenov  "Nur Otan" partıasy Qyzylorda  oblystyq fılıalynda turǵyndardy qabyldady.

Qabyldaýǵa oblystyq partıa fılıalynyń basshylyǵy, oblystyq quqyq qorǵaý jáne memlekettik organdardyń basshylary, partıa  belsendileri men qala turǵyndary jáne BAQ ókilderi  qatysty. Jalpy qabyldaýǵa 30-ǵa jýyq azamattar kelip, zań aıasynda tıisti keńester aldy.

Ádilet mınıstrliginiń ókilderinen quralǵan bir top Qyzylorda oblysynyń Halyqqa qyzmet kórsetý ortalyǵynda bolyp, 57 azamatqa túrli taqyrypta zań keńesterin berdi.

Jalpy, «Qyzylorda qalasy» 35 eldi meken ishindegi jıyrma segizinshi beket bolyp esepteledi.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń májilis zalynda  turǵyndarǵa zeınetaqy jáne áleýmettik máseleler boıynsha turǵyndarmen kezdesý ótkizildi.

Kezdesýde 12 turǵynǵa áleýmettik máseleler boıynsha keńester berildi. Onyń ishinde, 7-eýi - zeınetaqy máselesi, 3-eýi - áleýmettik kómek, 2-eýi - jumyspen qamtý máseleleri boıynsha.

Qyzylorda oblysy tutynýshylardyń quqyqtaryn qorǵaý departamentiniń májilis zalynda tutynýshylardyń quqyǵyn qorǵaý boıynsha keńes berildi. Turǵyndarmen kezdesýge QR UEM Tutynýshylardyń quqyqtaryn qorǵaý komıtetiniń bas sarapshysy N.M.Jumatov qatysty.

Qabyldaý kezinde keńes alý úshin 27-ge jýyq azamat túrli máseleler boıynsha júgindi.

 №278 orta mektebinde bilim salasy boıynsha baǵdarlamalardy nasıhattaıtyn  leksıa uıymdastyryldy. Oǵan Bilim jáne ǵylym mınıstrliginiń ókilderi, oblystyq bilim basqarmasy basshysy men oblystaǵy bilim oshaqtary basshylary qatysty. Kezdesýde memlekettik bilim berý jınaqtaý júıesi men memlekettik kredıtteý júıesi, jańartylǵan bilim berý mazmuny boıynsha mektepke deıingi tárbıe men oqytý týraly sóz qozǵalady.

Kásipkerlikti qoldaý ortalyǵynda  kezdesýge Óńirlik damý departamentiniń eksperti Danıar Sydyqov qatysyp, kásipkerler tarapynan 10 suraq qoıylyp, barlyq saýaldarǵa naqty jaýap berildi. Kezdesýge barlyǵy 70 adam qatysqan.

Á.Tájibaev atyndaǵy oblystyq ámbebap kitaphanasynda oblys ákiminiń orynbasary Rýslan Rústemov jáne poıyz músheleriniń qatysýymen jıyn ótti.

Delegasıa músheleri «Táýelsizdik syıy» aksıasy aıasynda oblystyq kitaphanaǵa kitaptar syılap, qaıyrymdylyq sharasyn uıymdastyrdy.

Oblysqa kelgen «Táýelsiz Qazaqstan» poıyzynda Astana, Almaty qalalaryndaǵy ǵylymı ortalyqtyń bilikti dárigerleri oblystyq keńes berý dıagnostıkalyq ortalyǵynda naýqastardy qabyldap, poıyz quramynda kelgen angıohırýrg, gastroenterolog, gematolog, kardıolog, nevrolog, onkolog, travmatolog, oftalmolog, pýlmanolog, revmatolog, ýrolog, hırýrg, endokrınolog maman-dárigerleri oblystyq keńes berý dıagnostıkalyq ortalyǵynda túske deıin 162 naýqasqa keńes berdi. 15 naýqasqa Astana, Almaty qalalaryndaǵy ǵylymı ortalyqtarǵa joldama berildi.

A.Toqmaǵambetov atyndaǵy qalalyq mádenıet úıinde QR Táýelsizdiginiń 25 jyldyǵyna arnalǵan «Táýelsiz Qazaqstan» aksıasynyń gala-konsertimen aıaqtaldy.

---