InfoHub Logo

Táýelsizdik

Týǵyzyp uly armannyń uly kúnin,
Degendeı ár qazaqtyń búgini – Kún,
Kelip edi moıyndatyp kúlli álemge
Tekti eldiń taǵy da bir ulylyǵyn.

Týdy dep jurt izdegen ańsarly kún,
Júrektiń kúmbirletip kúısandyǵyn,
Jetken edi tanytqandaı jer betine
Ór ulttyń taǵy da bir qaısarlyǵyn.

Sezdirip baba armannyń ósıetin,
Sózderi bar degendeı bas ıetin,
Týǵan - dy búginine uqtyrǵaly
Keshegi uly erlikter qasıetin.

Kúni dep endi kóshke ileskenniń,
Sol kúni júrekterden jyr esken kún.
Sabaq berdi mańyzyn aıtyp urpaǵyna
Ult úshin bolǵan sansyz kúresterdiń.

Jetti dep endi erkindik súıindi Kún,
Tartqandaı Dala shalqyp kúıin búgin,
Sezdirip keldi Azattyq qazaǵyna
Jetýdiń bostandyqqa qıyndyǵyn.

Bul jolda talaı úmit toryqqanyn,
San ret qaısar minez tanytqanyn,
Baıandap, kúlli álemge uǵyndyrdy
Jahanda osyndaı bir halyq baryn.

İles dep keldi elderdiń órkenine,
Sendirip ár qazaqty erteńine,
Zamanyn keshegimen salystyrsań,
Búginin aınaldyryp ertegige.

Uran bop sosyn qyz ben búgin ulǵa,
Toǵysyp alýan múdde bir uǵymǵa,
Sóıtti de bekem turyp ornap qaldy
Óziniń qasıetti tuǵyrynda.

Avtory:
Ǵabıden QOJAHMET,
Qyzylorda qalasy